ଆଜି ଏନ୍‌ସି ଅଧ୍ୟକ୍ଷ ଫାରୁକ ଅବଦୁଲ୍ଲାଙ୍କୁ ଭେଟିବେ ଦଳର ୧୫ଜଣିଆ ପ୍ରତିନିଧି ଟିମ୍

ଶ୍ରୀନଗର ୬।୧୦: ଆଜି ନ୍ୟାସନଲା କନଫରେନ୍ସର ଏକ ୧୫ ଜଣିଆ ଦଳ ଅଧ୍ୟକ୍ଷ ଫାରୁକ ଅବଦୁଲା ଓ ଉପାଧ୍ୟକ୍ଷ ଓମାର ଅବଦୁଲାଙ୍କୁ ଭେଟିବେ । ରାଜ୍ୟପାଳ ସତ୍ୟପାଲ ମଲ୍ଲିକ ଏନେଇ ଦେଇଛନ୍ତି ଅନୁମତି । ଦଳୀୟ ନେତାଙ୍କ ଅନୁରୋଧ ରକ୍ଷା କରି ଅନୁମତି ଦେଇଛନ୍ତି ରାଜ୍ୟପାଳ ।

ଏନସି ଜମ୍ମୁ ଶାଖାର ଅଧ୍ୟକ୍ଷ ଦେବେନ୍ଦ୍ର ସିଂହ ରାଣାଙ୍କ ଏହି ପ୍ରତିନିଧି ଦଳର ନେତୃତ୍ବ ନେଉଛନ୍ତି । ଦଳର ସଭାପତିଙ୍କୁ ଭେଟିବା ପାଇଁ ପ୍ରତିନିଧି ଦଳ ରାଜ୍ୟପାଳଙ୍କୁ ଗୁରୁବାର ଅନୁମତି ମାଗିଥିଲେ । ଗତକାଲି ରାଜ୍ୟପାଳ ଅନୁମତି ଦେବାପରେ ଆଜି  ଫାରକଙ୍କୁ ଭେଟିବେ ପ୍ରତିନିଧି ଦଳ ।

ଜମ୍ମୁ-କଶ୍ମୀରରେ ଧାରା ୩୭୦ ଉଚ୍ଛେଦ ପରେ ଘାଟିର ଛୋଟ ବଡ ବିଭିନ୍ନ ରାଜନୈତିକ ଦଳର ନେତାଙ୍କୁ ନଜରବନ୍ଦୀ କରାଯାଇଥିଲା।

from Prameya News7 https://ift.tt/2VfMuKU