ପ୍ରବଳ ବର୍ଷାରେ ଧୋଇଗଲା ରେଲ୍‌ୱେ ଟ୍ରାକ୍‌ Rajalaxmi Sahoo

ମୁନିଗୁଡ଼ା: ଲଗାଣ ବର୍ଷାରେ ବେହାଲ ରାୟଗଡ଼ା ଜିଲ୍ଲା। ଜିଲ୍ଲାର ଡାଇକାଲୁ-ଅମ୍ବଦଳାରେ ଟ୍ରାକ୍ ଉପରେ ବନ୍ୟା ଜଳ ପ୍ରବାହିତ ହେବା ଫଳରେ ରାୟଗଡ଼ା-ଟିଟିଲାଗଡ଼ ରୁଟ୍‌ ମଧ୍ୟରେ ଟ୍ରେନ୍ ସେବା ପ୍ରଭାବିତ ହୋଇଛି।

ଅମ୍ବଦଳା ଷ୍ଟେସନ ନିକଟରେ ଗୋଟିଏ ମାଲ୍‌ବାହୀ ଟ୍ରେନ୍‌ର ୩ଟି ବଗି ଲାଇନ୍‌ଚ୍ୟୁତ୍‌ ହୋଇଛି। ପାଣି ଜମି ଥିବାରୁ ୬ଟି ପାସେଞ୍ଜର ଓ ୨ଟି ଏକ୍ସପ୍ରେସ୍‌ ଟ୍ରେନ୍‌ର ଯାତ୍ରାକୁ ବାତିଲ କରାଯାଇଛି।   ସେହିପରି ୫ଟି ଏକ୍ସପ୍ରେସ୍‌ ଟ୍ରେନ୍‌ର ଗତିପଥରେ ପରିବର୍ତ୍ତନ କରାଯାଇଛି।

ଅନ୍ୟପକ୍ଷରେ ଧୋଇ ଯାଇଥିବା ରେଲ୍‌ୱେ ଟ୍ରାକ୍‌ ମରାମତି ପାଇଁ ରେଲ୍‌ୱେ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି।  ରେଲ୍‌ୱେ ପକ୍ଷରୁ ୩ଟି ହେଲ୍‌ପ୍‌ ଲାଇନ ନମ୍ବର ଜାରି କରାଯାଇଛି। ହେଲ୍‌ପ୍‌ ଲାଇନ୍ ନମ୍ବର ହେଲା- ସମ୍ବଲପୁର ଷ୍ଟେସନ- 9437386759,  ଟିଟିଲାଗଡ଼- 8455892831/9437386693।

from OTV Khabar. https://ift.tt/31lMr1Z