ଅପରେସନ୍ ପରୀ -୩; ଉଦ୍ଧାର ହେଲେ ୬୪ଜଣ ଶିଶୁ OTV KHABAR BUREAU

ବୌଦ୍ଧ: ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରୁ ଗତକାଲି ୬୪ଜଣ ଶିଶୁଙ୍କୁ ଉଦ୍ଧାର କରାଯାଇଛି। ଅପରେସନ ପରୀ -୩ କାର୍ଯ୍ୟକ୍ରମ ଅନୁଯାୟୀ ବୌଦ୍ଧ ଆରକ୍ଷୀ ଅଧିକ୍ଷକ ସୁଧାଂଶୁ ଶେଖର ମିଶ୍ରଙ୍କ ନେତୃତ୍ୱରେ ୬ଟି ପୁଲିସ ଷ୍ଟେସନ ଦ୍ୱାରା ଏକକାଳୀନ ଚଢ଼ଉ କରାଯାଇଥିଲା। ହୋଟେଲ, ଢାବା, ଜଳଖିଆ ଦୋକାନ ଓ ଅନ୍ୟ ସ୍ଥାନରେ କାମ କରୁଥିବା ଶିଶୁଙ୍କୁ ଉଦ୍ଧାର କରାଯାଇଥିଲା।

ସମସ୍ତ ଶିଶୁଙ୍କ ଡାକ୍ତରୀ ପରୀକ୍ଷା ପରେ ବୌଦ୍ଧର ଶିଶୁ ମଙ୍ଗଳ କମିଟି ନିକଟରେ ଉପସ୍ଥାପନ କରାଯାଇଥିଲା। ଏହାପରେ ଭିଭାବକମାନଙ୍କ ପରିଚୟ ପତ୍ର ଯାଞ୍ଚ କରି ଉଦ୍ଧାର ଶିଶୁଙ୍କୁ ହସ୍ତାନ୍ତର କରାଯିବ ବୋଲି ସୂଚନା ରହିଛି।

ଉଦ୍ଧାର ଶିଶୁ ମାନଙ୍କ ମଧ୍ୟରେ ପଶ୍ଚିମବଂଗର ୯ ଓ ବିହାରର ୫ଜଣ ଶିଶୁ ଅଛନ୍ତି। ଅନ୍ୟ ଶିଶୁମାନେ ସୋନପୁର, ଅନୁଗୁଳ, ଗଞ୍ଚାମ, ନୟାଗଡ଼, ସମ୍ବଲପୁର ଅଂଚଳର ବୋଲି ଜଣାପଡ଼ିଛି।

from OTV Khabar. https://ift.tt/2GFWCGQ