ସିଝା ଅଣ୍ଡା ଖାଇବାକୁ ଭଲ ପାଉଥିବା ଲୋକଙ୍କ ପାଇଁ ସତର୍କ ଘଣ୍ଟି ! ଖାଇବା ପୂର୍ବରୁ ଏହି ସବୁ ଦିଗ ଉପରେ ଧ୍ୟାନ ଦିଅନ୍ତୁ ନଚେତ୍ ଅକାଳରେ ଚାଲିଯାଇପାରେ ଜୀବନ । Kanak News

ଅଣ୍ଡା ଖାଇବା କିଛି ଲୋକଙ୍କ ଦୂର୍ବଳତା ଥାଏ । କିଛି ଡିସ୍ ବିନା ମଧ୍ୟ ଲୋକଙ୍କୁ ସିଝା ଅଣ୍ଡା ଖାଇବାକୁ ଭଲ ଲାଗିଥାଏ । କିନ୍ତୁ ଏଥିରେ ସ୍ୱାସ୍ଥ୍ୟକୁ ଲାଭ ମିଳୁଛି କ୍ଷତି ତାହା ମଧ୍ୟ ଜାଣିବା ନିହାତି ଆବଶ୍ୟକ । ତେବେ ଆସନ୍ତୁ ଆଜି ଆମେ ସିଝାଅଣ୍ଡା ଦେହ ପ୍ରତି କ୍ଷତିକାରକ କି ଲାଭଦାୟକ ଜାଣିବା ।

୧ . ସର୍ବପ୍ରଥମେ ଆପଣଙ୍କୁ କହିରଖୁଛୁ ଅଣ୍ଡାର ହଳଦିଆ ଅଂଶରେ କ୍ୟାଲସିୟମ୍ ,ଆଇରନ୍ ,ଜିନ୍ , ଫସପରସ୍ ,ଭିଟାମିନ୍ ବି-୬, ଭିଟାମିନ୍ ବି-୧୨ ଏବଂ ପେଥୋନିକ୍ ଏସିଡ୍ ରହିଥାଏ । ଯଦି ଆପଣଙ୍କୁ ହୃଦଜନିତ ରୋଗ,ସୁଗାର୍ କିମ୍ବା ଉକ୍ତ ରକ୍ତଚାପ ଭଳି ସମସ୍ୟା ରହିଛି ତେବେ ଏହି ହଳଦିଆ ଅଂଶକୁ ଖାଆନ୍ତୁ ନାହିଁ । ଅଣ୍ଡା ଭାଜିବା ସମୟରେ କମ୍ ତେଲର ପ୍ରୟୋଗ କରନ୍ତୁ ଏବଂ ଦରସିଝା ଅଣ୍ଡା ଖାଇବା ଭୁଲ୍ କରନ୍ତୁ ନାହିଁ । ଏହାଦ୍ୱାରା ଫୁଡ୍ ପଏଜନିଂର ବିପଦ ଥାଏ ।

୨ . ଗୋଟିଏ ଦିନରେ ୧ କିମ୍ବା ୨ ଟି ଅଣ୍ଡା ଖାଆନ୍ତୁ । ଖାଦ୍ୟ ଲୋଭରେ ଅଧିକ ଅଣ୍ଡା ଖାଇବା ଆପଣଙ୍କ ସ୍ୱାସ୍ଥ୍ୟ ପାଇଁ ବିପଦ ସୃଷ୍ଟି କରିପାରେ । ଫଳରେ ଅଣ୍ଡା ଖାଇବା ଲାଭ ବଦଳରେ ଆପଣଙ୍କ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ ।

୩ . ଅଣ୍ଡା ଖାଇବା ପୂର୍ବରୁ ଏହା ଖରାପ କି ନୁହଁ ଭଲଭାବରେ ପରଖି ଖାଆନ୍ତୁ ନଚେତ୍ ମୁଣ୍ଡବ୍ୟଥା,ପେଟବ୍ୟଥା,ଡାଇରିଆ,ଜ୍ୱର ଭଳି ଅନେକ ଆଘାଂତିକ ରୋଗ ଦେଖାଯାଇପାରେ ।

୪ . ତେବେ ଅଣ୍ଡା କେବଳ ଘାତକ ନୁହଁ ସ୍ୱାସ୍ଥ୍ୟ ପାଇଁ ହିତକାରକ ମଧ୍ୟ ହୋଇଥାଏ । ଛୋଟପିଲାଙ୍କ ମସ୍ତିଷ୍କ ବିକଶିତ ହେବାରେ ଏହା ସାହାଯ୍ୟ କରେ । ଗର୍ଭବତୀ ମହିଳାଙ୍କ ମାଂସପେଶୀ ପାଇଁ ଅଣ୍ଡା ଖାଇବା ନିହାତି ଆବଶ୍ୟକ । ସ୍ତନ କର୍କଟକୁ ଦୂରେଇବାରେ ଅଣ୍ଡା ଲାଭଦାୟକ ହୋଇଥାଏ । କିନ୍ତୁ ମନେରଖନ୍ତୁ ଦିନରେ ଗୋଟିଏ ରୁ ଦୁଇଟି ହିଁ ଅଣ୍ଡା ଖାଇବାକୁ ଚେଷ୍ଟା କରନ୍ତୁ ଅଧିକ ଅଣ୍ଡାର ସେବନ ସ୍ୱାସ୍ଥ୍ୟ ପାଇଁ ଓଲଟା ପ୍ରଭାବ ପକାଇଥାଏ ।

from Kanak News https://ift.tt/2O4IDR8 https://ift.tt/2lpTOG3