ଅଡୁଆରେ ପକାଇଲେ ଜୟନାରାୟଣ : ରାଜ୍ୟସଭା ପ୍ରାର୍ଥୀ ଚୟନ ନେଇ ଅସନ୍ତୋଷ ପ୍ରକାଶ କରିବା ସହ ବିଜେଡି-ବିଜେପି ବୁଝାମଣାକୁ ମାରିଲେ ତେରଛା ବାଣ Kanak News

କନକ  ବ୍ୟୁରୋ : ରାଜ୍ୟ ବିଜେପିରେ ଫାଟ ଜଳଜଳ ହୋଇ ଦେଖାଗଲାଣି । ଭୟଙ୍କର ରୂପ ନେଲାଣି ବିଜେପି ନେତାଙ୍କ ବିବାଦ । ବିରୋଧୀ ଦଳ ନେତା ପଦ ନମିଳିବା ସହ ରାଜସଭା ପ୍ରାର୍ଥୀ ଚୟନକୁ ନେଇ କଟାକ୍ଷ କରିଛନ୍ତି ବିଜେପି ବିଧାୟକ ଜୟନାରାୟଣ ମିଶ୍ର । କେନ୍ଦ୍ରୀୟ ନେତୃତ୍ୱକୁ ନେଇ ପ୍ରଶ୍ନ କରିବା ସହ ବିଜେପିରେ ବିବାଦର ମଞ୍ଜି ବୁଣିଛନ୍ତି । ବିରୋଧୀ ଦଳ ନେତା ଚୟନ ପ୍ରସଙ୍ଗରେ ତାଙ୍କ ବିରୋଧରେ ଷଡଯନ୍ତ୍ର  ହୋଇଥିବା କଥା ସଙ୍କେତ ଦେବାକୁ ଭୁଲିନାହାନ୍ତି। ତେବେ ତାଙ୍କ ବିରୋଧରେ ଷଡଯନ୍ତ୍ର କିଏ କରିଛି ସେ କଥା ଖୋଲାଖୋଲି କହିନାହାନ୍ତି।  ବିଜେପି ରାଜ୍ୟସଭା ପ୍ରାର୍ଥୀ ଅଶ୍ୱିନୀ ବୈଷ୍ଣବଙ୍କୁ କେଉଁ ସ୍ୱାର୍ଥରେ ବିଜେଡ଼ି ସମର୍ଥନ କଲା ? ବିଜେଡ଼ି-ବିଜେପି ମଧ୍ୟରେ ହୋଇଥିବାର ବୁଝାମଣାର ସମସ୍ତ ଗୁପ୍ତ ଡିଲ ବାହାରକୁ ଆସୁ ବୋଲି କହି ରାଜ୍ୟ ରାଜନୀତିରେ କମ୍ପନ ସୃଷ୍ଟି କରିଛନ୍ତି ।

ବିଜେପି ରାଜ୍ୟସଭା ପ୍ରାର୍ଥୀଙ୍କୁ ବିଜେଡ଼ିର ସମର୍ଥନ କିପରି ମିଳିଲା ? ରାଜ୍ୟସଭା ପ୍ରାର୍ଥୀ ଚୟନ ପ୍ରସଙ୍ଗରେ ବିଜେଡ଼ିକୁ ବିବାଦକୁ ଟାଣିଛନ୍ତି ଜୟନାରାୟରଣ ମିଶ୍ର । ବିଜେଡ଼ି ସ୍ୱାର୍ଥସାଧନ ପାଇଁ ବିଜେପି ପ୍ରାର୍ଥୀଙ୍କୁ ସମର୍ଥନ କରିଛି । ଆଜି ପର୍ଯ୍ୟନ୍ତ ଗାଳି ହେଉଥିଲେ ହେଲେ ହଠାତ୍ ବିଜେଡ଼ିର ଫୁଲମାନ ପିନ୍ଧାଇବା କଥା ସ୍ପଷ୍ଟ ବୁଝାପଡ଼ୁଛି । ଓଡ଼ିଶାର ସ୍ୱାର୍ଥ ପାଇଁ ବିଜେଡ଼ି-ବିଜେପି ବୁଝାମଣା କଥା ଯୁକ୍ତି କରୁଛି ସରକାରୀ ଦଳ । ହେଲେ କେଉଁ ସ୍ୱାର୍ଥରେ ଆଜି ପ୍ରତିଦ୍ୱେନ୍ଦୀକୁ କୋଳେଇ ନେଇଛି ବିଜେପି ସେକଥା ସ୍ପଷ୍ଟ କରୁ । କେବଳ ନିର୍ବାଚନ ପାଇଁ କେନ୍ଦ୍ର ସରକାରଙ୍କୁ ଟାର୍ଗେଟ କରୁଥିଲା ବିଜେଡ଼ି । ଓଡ଼ିଶାର ସ୍ୱାର୍ଥସାଧନ ପାଇଁ କ’ଣ ସମର୍ଥନ ଆଣିପାରିଛନ୍ତି ।  କେନ୍ଦ୍ରୀୟ ଅବହେଳା ଓ ମହାନଦୀ କଥା ଆଦି ସବୁ କେବଳ ନିର୍ବାଚନୀ ପ୍ରସଙ୍ଗ ଥିଲା । ଆଜି ଏକଥା ସ୍ପଷ୍ଟ ପ୍ରମାଣିତ ହୋଇଛି ।

ଉଲ୍ଲେଖଯୋଗ୍ୟ, ଜୟନାରାୟଣ ମିଶ୍ରଙ୍କୁ ବିରୋଧୀ ଦଳ ନେତା କରାଯିବା ଚର୍ଚ୍ଚା ଚାଲିଥିଲା । ସମସ୍ତଙ୍କ ମନରେ ଧାରଣା ଥିଲା ଜୟନାରାୟଣ ମିଶ୍ରଙ୍କୁ ହିଁ ବିରୋଧୀ ଦଳ ନେତା ଚୟନ କରାଯିବ । ହେଲେ ହଠାତ୍ ବଦଳିଗଲା ନିଷ୍ପତ୍ତି । ଏକ ଗୁରୁତ୍ବପୂର୍ଣ୍ଣ ରାଜନୈତିକ ଘଟଣାକ୍ରମରେ ବିଧାନସଭାରେ ଆବଶ୍ୟକ ସଂଖ୍ୟା ନଥାଇ ବି ବିଜେପିର ରାଜ୍ୟସଭାରେ ଅଶ୍ବିନୀ ବୈଷ୍ଣବଙ୍କୁ ପ୍ରାର୍ଥୀ କଲା ଓ ବିଜେଡି ସମର୍ଥନ ଜଣାଇଲା । ଯଦିଓ ପ୍ରଧାନମନ୍ତ୍ରୀ ଓ ବିଜେପି ରାଷ୍ଟ୍ରୀୟ ସଭାପତିଙ୍କ ଅନୁରୋଧରେ ବିଜେଡି ସମର୍ଥନ କରିବା କଥା କହିଥିଲା, କିନ୍ତୁ କେଉଁ ପରିସ୍ଥିତିରେ ଉଭୟଙ୍କ ନିଷ୍ପତ୍ତିକୁ ଦଳ ସମ୍ମାନ ଦେଲା, ତାହା କେହି ବୁଝିପାରିନଥିଲେ।  ହଠାତ୍ ବଦଳିଥିବା ରାଜନୀତି ପାଣିପାଗ ବିଜେଡି ଶିବିରରେ ମଧ୍ୟ ଚର୍ଚ୍ଚାର ବିଷୟ ହୋଇଥିଲା।

from Kanak News https://ift.tt/2jE1CU4 https://ift.tt/2NRUoKi