ଅଢ଼େଇ ବର୍ଷ ପରେ ବାରବାଟୀକୁ ଫେରିଲା ଦିନିକିଆ ମ୍ୟାଚ୍‌ Rajalaxmi Sahoo

କଟକ: ଦୀର୍ଘ ଅଢ଼େଇ ବର୍ଷ ପରେ କଟକ ବାରବାଟୀ ଷ୍ଟାଡିୟମକୁ ଫେରିଲା ଅନ୍ତର୍ଜାତୀୟ ଦିନିକିଆ କ୍ରିକେଟ୍ ମ୍ୟାଚ୍‌। ବାରବାଟୀରେ ଆଗାମୀ ଭାରତ-ୱେଷ୍ଟ୍‌ଇଣ୍ଡିଜ୍ ସିରିଜର ତୃତୀୟ ମ୍ୟାଚ୍‌ ଖେଳାଯିବ ନେଇ ଓସିଏ ପରିଚାଳନା କମିଟି ଅଧ୍ୟକ୍ଷ ଧୀରେନ୍ ପଲେଇ ସୂଚନା ଦେଇଛନ୍ତି।

ବିସିସିଆଇ ପକ୍ଷରୁ ସମ୍ପୂର୍ଣ୍ଣ ଘରୋଇ ଅନ୍ତର୍ଜାତୀୟ ସୂଚୀ ପ୍ରକାଶ ପାଇଛି। ଏଥିରେ ଆଗାମୀ ଭାରତ-ୱେଷ୍ଟ୍‌ଇଣ୍ଡିଜ୍ ସିରିଜର ତୃତୀୟ ତଥା ଅନ୍ତିମ ଦିନିକିଆ ପାଇଁ ବାରବାଟୀକୁ ଚୟନ କରାଯାଇଛି।  ଡିସେମ୍ବର ୨୨ରେ ଏହି ଦିବାରାତ୍ର ମ୍ୟାଚ୍‌ ଖେଳାଯିବ।

ସୂଚନାଥାଉ କି,  ଶେଷ ଥର ପାଇଁ ବାରବାଟୀରେ ୨୦୧୭ ଜାନୁଆରୀରେ ଭାରତ ଓ ଇଂଲଣ୍ଡ ମଧ୍ୟରେ ଦିନିକିଆ ଅନ୍ତର୍ଜାତୀୟ ଖେଳାଯାଇଥିଲା। ତେବେ ୨୦୧୭ ଡିସେମ୍ବରରେ ଭାରତ ଓ ଶ୍ରୀଲଙ୍କା ମଧ୍ୟରେ ଟି-୨୦ ମ୍ୟାଚ୍‌ ମଧ୍ୟ ଅନୁଷ୍ଠିତ ହୋଇଥିଲା।

from OTV Khabar http://bit.ly/2WjlJZQ