ଲୋକସଭା ବାଚସ୍ପତି ହୋଇପାରନ୍ତି ମେନକା ଗାନ୍ଧୀ ! Kanak News

କନକ ବ୍ୟୁରୋ : ନିର୍ବାଚନ ସରିଲା  । ସରକାର ଗଠନ ହୋଇସାରିଲା  । ତେବେ କେନ୍ଦ୍ରରେ ମନ୍ତ୍ରୀମଣ୍ଡଳର ଶପଥ ପାଠ ଉତ୍ସବ ମଧ୍ୟ ସରିଛି । ତେବେ ବର୍ତମାନ ଲୋକସଭାରେ ବାଚସ୍ପତି ଆସନ କିଏ ଅଳଙ୍କୃତ କରିବା ତାହାକୁ ନେଇ ଚାଲିଛି ଅଙ୍କକଷା । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଲୋକସଭା ବାଚସ୍ପତି ପାଇଁ ଭାରତୀୟ ଜନତା ପାର୍ଟିର ଶୀର୍ଷ ନେତୃତ୍ୱ ପ୍ରାର୍ଥୀଙ୍କ ନାମ ପାଇଁ ବିଚାର ଚାଲିଛି । ପୂର୍ବତନ କେନ୍ଦ୍ରମନ୍ତ୍ରୀ ମେନକା ଗାନ୍ଧୀଙ୍କ ବ୍ୟତୀତ ରାଧାମୋହନ ସିଂହ ଓ ବୀରେନ୍ଦ୍ର କୁମାର ସହିତ ପାର୍ଟିର କିଛି ବରିଷ୍ଠ ଏହି ପଦ ପାଇଁ ଆଶା ରଖିଥିବା ନେଇ ଚର୍ଚ୍ଚା ଜୋରଧରିଛି ।

କେବଳ ଚର୍ଚ୍ଚା ଏତିକିରେ ସମାପ୍ତ ହୋଇନାହିଁ ବରଂ ବିଜେପି ନେତା ଜୁଏଲ ଓରାମ ଓ ଏସଏସ ଅହଲୁୱାଲିଆଙ୍କ ନାମ ମଧ୍ୟ ଚର୍ଚ୍ଚା ଜୋର ଧରିଛି । ତେବେ ସପ୍ତଦଶ ଲୋକସଭାର ବାଚସ୍ପତି ହେବା ପାଇଁ କେହି କେହି ମେନକାଙ୍କ ନା କହୁଛନ୍ତି । କାରଣ ୮ ଥର ସଂସଦକୁ ନିର୍ବାଚିତ ହେଲେଣି ମେନକା । ରାଜନୀତିର ଚିତ୍ରପଟରେ ସେ ଅଭିଜ୍ଞ ମଧ୍ୟ । ସେପଟେ ରାଧାମୋହନ ମଧ୍ୟ ୬ ଥର ସଂସଦକୁ ନିର୍ବାଚିତ ହେଲେଣି । ତେବେ ଆଶାୟାଙ୍କ ସଂଖ୍ୟା ବଢୁଥିବା ବେଳେ କିଏ ହେବ ବାଚସ୍ପତି ତାହା ଉପରେ ସମସ୍ତଙ୍କର ରହିଛି ନଜର ।

from Kanak News http://bit.ly/2JUMrkO http://bit.ly/2YZ6EJQ