ଯୁଦ୍ଧ ବିମାନ ଖସାଇବା ପରେ ଡରିଗଲା ପାକିସ୍ତାନ? ନରମିଗଲା ଶତ୍ରୁ ରାଷ୍ଟ୍ରର ସ୍ୱର, ଜିଓ ଟିଭିରେ ପାକ ସେନା ଅଧିକାରୀଙ୍କ ସୂଚନା, ‘ଯୁଦ୍ଧ ଦ୍ୱାରା ହେବନି କାହାରି ବିଜୟ’ Kanak News

କନକ ବ୍ୟୁରୋ: ପିଓକେରେ ପାକ ଯୁଦ୍ଧ ବିମାନ ଖସାଇବା ପରେ ଡରିଗଲା କି ପାକିସ୍ତାନ? ପୁଣି ଥରେ ଦୋହରାଇଲା ଆଲୋଚନା ପ୍ରସ୍ତାବ । ମଙ୍ଗଳବାର ଦିନ ଭାରତ ତରଫରୁ ହୋଇଥିବା ଏୟାରଷ୍ଟ୍ରାଇକକୁ କଡା ସମାଲୋଚନା କରିବା ପରେ ଏବେ ନରମି ଯାଇଛି ଶତ୍ରୁ ରାଷ୍ଟ୍ରର ସ୍ୱର ।  ଯୁଦ୍ଧ ଦ୍ୱାରା କାହାର  କିଛି ଲାଭ ହେବନି ବୋଲି କହିଛନ୍ତି ପାକିସ୍ତାନ ସେନାର ମେଜର ଜେନେରାଲ ଆସିଫ ଗଫୁର ।

ପାକିସ୍ତାନ ସୀମାରେ ପଶି, ଆତଙ୍କବାଦୀଙ୍କ ଆଡ୍ଡାକୁ ଧ୍ୱଂସ କରଥିଲା ଭାରତୀୟ ବାୟୁ ସେନା । ଆଉ ଏହାକୁ ନେଇ ଅଡୁଆରେ ପଡିଯାଇଛି ପାକିସ୍ତାନ । ନା ଭାରତୀୟ ଯବାନଙ୍କ ଶୌର୍ଯ୍ୟ ଓ ବିରତ୍ୱର ଗାଥାକୁ ପାକିସ୍ତାନ ସହିପାରୁଛି ନା ଲୁଚାଇ ପାରୁଛି । ବାଲକୋଟ ହମଲାକୁ ପାକିସ୍ତାନ ସେନା ସ୍ୱିକାର କରିଥିଲା ସତ, ହେଲେ ଏଥିରେ କୌଣସି ହତାହତ ହୋଇନଥିବା ଦାବି କରିଥିଲା ପାକିସ୍ତାନ । ଅନ୍ୟପଟେ ବାୟୁସେନା ହମଲା କରିଥିବା ୩ଟି ସ୍ଥାନରେ ସେନା ମୁତୟନ କରାଯାଇ ଆକ୍ରମଣର ପ୍ରମାଣ ନଷ୍ଟ କରୁଥିବା ସୂଚନା ମିଳିଛି । ଯାହାକୁ ପରେ ଅନ୍ତର୍ଜାତୀୟ ମିଡିଆ ଡାକି ଘଟଣାସ୍ଥଳ ବୁଲାଇ ଭାରତ ହମଲା କରିନଥିବା କହିପାରିବ ଇସଲାମାବାଦ । ପାକିସ୍ତାନ ସେନାର ମେଜର ଜେନେରାଲ ଆସିଫ ଗଫୁର ସାମ୍ବାଦିକ ସମ୍ମିଳନୀ କରି ଭାରତର ଆକ୍ରମଣକୁ ସ୍ୱୀକାର କରିଥିଲେ  ହେଲେ ଆତଙ୍କବାଦୀ ଆଡ୍ଡା ଉପରେ ହମଲା ଘଟଣାକୁ ସେ ସଂପୁର୍ଣ୍ଣ ଅସ୍ୱୀକାର କରିଥିଲେ ଗଫୁର । ଆଉ ଆଗାମୀ ଦିନରେ ଭାରତକୁ ପାକିସ୍ତାନ କଡା ଜବାବ ଦେବ ବୋଲି ଗତକାଲି ସାମ୍ବାଦିକ ସମ୍ମିଳନୀରେ କହିଥିଲେ ଆସିଫ ଗଫୁର ।

ଅନ୍ୟପଟେ ପ୍ରତିଶୋଧର ନିଆଁରେ ଜଳି ଉଠିଥିଲା ପାକିସ୍ତାନ ଆଉ ଏୟାରଷ୍ଟ୍ରାଇକର ମାତ୍ର କେଇ ଘଂଟା ପରେ ଜାମ୍ମୁକଶ୍ମୀରର ନୌସେରା, ଅଖନୁର, ପୁଂଛ ଓ କୃଷ୍ଣା ଘାଟିରେ ଏକକାଳୀନ ଆରମ୍ଭ କରିଦେଇଥିଲା ଗୁଳି ବର୍ଷଣ । ଭାରତୀୟ ସେମା ମଧ୍ୟ ଏହାର ମୁହଁତୋଡ ଜବାବ ଦେଇଛି । ତେବେ ଏତିକିରେ ପାକିସ୍ତାନର ମନ ଭରି ନଥିଲା ନିୟନ୍ତ୍ରଣ ରେଖା ଉଲଂଘନ କରି ଭାରତୀୟ ଆକାଶ ସୀମା ଭିତରକୁ ଚାଲିଆସିଥିଲା ପାକସ୍ତାନର ଯୁଦ୍ଧ ବିମାନ । ଜମ୍ମୁକଶ୍ମୀର ରଜୌରୀ ଜିଲ୍ଳାର ନୌସେରା ସେକ୍ଟର ଭିତରକୁ ପାକିସ୍ତାନ ଯୁଦ୍ଧ ବିମାନଟି ପଶି ଆସିଥିଲା  । ତେବେ ଭାରତୀୟ ବାୟୁସେନାର ଆକ୍ରମଣରେ ମଝି ଆକାଶରେ ହିଁ ଜଳିଯାଇଥିଲା ପାକର ଲଡାକୁ ବିମାନ ଏଫ୧୬ ।

from Kanak News https://ift.tt/2TicVRv https://ift.tt/2IFsAXa