ଦଶମ ଶ୍ରେଣୀ ଛାତ୍ରର ଛୁରାମାଡ଼ରେ ନବମ ଶ୍ରେଣୀ ଛାତ୍ର ଗୁରୁତର ଆହତ । ବାରିପଦାର ଏକ ଆବାସିକ ବିଦ୍ୟାଳୟରେ ଅଭାବନୀୟ କାଣ୍ଡ । ଆହତ ଛାତ୍ର ଡାକ୍ତରଖାନାରେ ଭର୍ତ୍ତି Kanak News

କନକ ବ୍ୟୁରୋ: ସାମାନ୍ୟ ଗଣ୍ଡଗୋଳରୁ ଛାତ୍ରଛାତ୍ରଙ୍କ ମଧ୍ୟରେ ଛୁରାମାଡ । ଦଶମ ଶ୍ରେଣୀ ଛାତ୍ରର ଛୁରା ମାଡରେ ନବମ ଶ୍ରେଣୀ ଛାତ୍ର ଗୁରୁତର । ବାରିପଦା ସହର ସ୍ଥିତ ବିସିସି ବା ବିକର୍ତନ କୋଚିଂ ସେଣ୍ଟର ନାମକ ଏକ ଘରୋଇ ଆବାସିକ ବିଦ୍ୟାଳୟରେ ଏହି ଅଭାବନୀୟ କାଣ୍ଡ ଘଟିଛି । ଦଶମ ଶ୍ରେଣୀ ଛାତ୍ର ଦେବାଶିଷ ବାରିକଙ୍କ ଛୁରା ମାଡରେ ନବମ ଶ୍ରେଣୀ ଛାତ୍ର କିରଣ ଦାସ ଗୁରୁତର ଆହତ ହୋଇଛନ୍ତି । ଗୁରୁତର ଅବସ୍ଥାରେ ଛାତ୍ରଙ୍କୁ ବାରିପଦା ପିଆରଏମ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତି କରାଯାଇଛି ।

ଛୁରା ମାଡରେ କିରଣ ଦାସଙ୍କ ମୁହଁ, ପେଟ ଓ ହାତରେ ଗଭୀର ଆଘତ ହୋଇଛି । ତେବେ କେଉଁ କାରଣକୁ ନେଇ ଛୁରାମାଡ ହେଲା ତାହା ଜଣାପଡି ନାହିଁ । ସନ୍ଧ୍ୟା ଜଳଖିଆ ସମୟରେ କୌଣସି କଥାକୁ ନେଇ ନବମ ଓ ଦଶମ ଶ୍ରେଣୀ ପିଲାଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । କଥା କଟାକଟି ଧସ୍ତାଧସ୍ତି ହେବାରୁ ପ୍ରତିଶୋଧ ପରାୟଣ ହୋଇ ଦେବାଶିଷ ବାରିକ ଏକ ଧାରୁଆ ଛୁରୀରେ କିରଣଙ୍କୁ ଆକ୍ରମଣ କରି ଫେରାର ହୋଇଯାଇଛି । ବାରିପଦା ମେଡିକାଲରେ ଭଞ୍ଜପୁର ଥାନା ପୋଲିସ ପହଂଚି ଘଟଣା ବିଷୟରେ ପଚରା ଉଚରା କରୁଛି ।

The post ଦଶମ ଶ୍ରେଣୀ ଛାତ୍ରର ଛୁରାମାଡ଼ରେ ନବମ ଶ୍ରେଣୀ ଛାତ୍ର ଗୁରୁତର ଆହତ । ବାରିପଦାର ଏକ ଆବାସିକ ବିଦ୍ୟାଳୟରେ ଅଭାବନୀୟ କାଣ୍ଡ । ଆହତ ଛାତ୍ର ଡାକ୍ତରଖାନାରେ ଭର୍ତ୍ତି first appeared on Kanak News.

from Kanak News https://ift.tt/fBNnuvM https://ift.tt/E6PKhzD