ବୈତରଣୀ ନଦୀକୁ ବାପା-ଝିଅ ଡେଇଁପଡିବା ଘଟଣା : ଉଦ୍ଧାର ମୃତଦେହ ବାପା ଚନ୍ଦନର ହୋଇଥିବା ଅନୁମାନ Kanak News

କନକ ବ୍ୟୁରୋ : ଯାଜପୁର ଜିଲ୍ଲା ତ୍ରିଲୋଚନପୁର ବୁଢାନଦୀରୁ ମିଳିଲା ଗୋଟିଏ ମୃତଦେହ । ଏହି ମୃତଦେହ ଭଦ୍ରକ ଆଖୁଆପଦା ନିକଟ ବୈତରଣୀ ନଦୀକୁ ଡେଇଁ ପଡ଼ିଥିବା ଚନ୍ଦନଙ୍କର ବୋଲି ଅନୁମାନ କରାଯାଉଛି । ପରିବାର ଲୋକ ଆସି ମୃତଦେହ ଚିହ୍ନଟ କରିବା ପରେ ତାହା ଚନ୍ଦନଙ୍କର କି ନୁହଁ ସ୍ପଷ୍ଟ ହେବ । ହେଲେ ବର୍ତ୍ତମାନ ସୁଦ୍ଧା କୁନି ଝିଅର କୌଣସି ଖୋଜଖବର ମିଳିନାହିଁ । ଗତ ୨୭ ତାରିଖ ରାତିରେ ଅଢେଇ ବର୍ଷର ଝିଅ ସହ ବୈତରଣୀ ନଦୀକୁ ଡେଇଁ ପଡ଼ିଥିଲେ ଚନ୍ଦନ । ପୋଲ ଉପରେ ମୋବାଇଲ, ଜୋତା ଓ ବାଇକ ରଖି ଦୁହେଁ ନଦୀ ଉପରକୁ ଡେଇଁ ପଡିଥିଲେ । ଖବର ପାଇ ଘଟଣାସ୍ଥଳରେ ପୋଲିସ, ଦମକଳ ଓ ଓଡ୍ରାଫ ଦଳ ପହଞ୍ଚି ନଦୀ ମଧ୍ୟରେ ଖୋଜାଖୋଜି କରୁଛନ୍ତି । ତେବେ ମୃତ ଚନ୍ଦନଙ୍କ ପତ୍ନୀଙ୍କର ମାସକ ପୂର୍ବରୁ ମୃତ୍ୟୁ ହୋଇଥିଲା ।

The post ବୈତରଣୀ ନଦୀକୁ ବାପା-ଝିଅ ଡେଇଁପଡିବା ଘଟଣା : ଉଦ୍ଧାର ମୃତଦେହ ବାପା ଚନ୍ଦନର ହୋଇଥିବା ଅନୁମାନ first appeared on Kanak News.

from Kanak News https://ift.tt/4NpZocq https://ift.tt/mqMDBAw