ହୋଟେଲ ରୁମରେ ଯୁବତୀଙ୍କ ମୃତ୍ୟୁ ନେଇ ବଢୁଛି ସନ୍ଦେହ : ୧୦ ଜଣଙ୍କୁ ପୁଲିସର ଜେରା, ସନ୍ଦେହ ଘେରରେ ବାର କର୍ମଚାରୀ Kanak News

କନକ ବ୍ୟୁରୋ : ଭୁବନେଶ୍ୱର ହୋଟେଲ ରୁମରେ ଯୁବତୀଙ୍କ ମୃତ୍ୟୁ ନେଇ ବଢୁଛି ସନ୍ଦେହ । ରମାଦେବୀ କଲେଜରେ ଯୁକ୍ତ ଦୁଇ କଳା ପାଠ ପଢୁଥିଲେ ଶୁଭଲକ୍ଷ୍ମୀ । ହେଲେ ଏଭଳି କାହିଁକି ତାଙ୍କର ହଠାତ୍ ମୃତ୍ୟୁ ହେଲା ସେ ନେଇ ପରିବାର ଲୋକେ ପ୍ରଶ୍ନ ଉଠାଇଛନ୍ତି । ଶୁଭଲକ୍ଷ୍ମୀଙ୍କ ମୃତ୍ୟୁ ପଛର ରହସ୍ୟ ଫିଟିନଥିବା ବେଳେ ୧୦ ଜଣଙ୍କୁ ପୁଲିସର ଜେରା କରିଛି । ସନ୍ଦେହଘେରରେ କିଛି ବାର କର୍ମଚାରୀ ଅଛନ୍ତି । ଯୁବତୀଙ୍କୁ କେହି ହୋଟେଲ ଡାକିଥିଲେ ନାଁ ସେ ନିଜେ ଏଠାକୁ ଆସିଥିଲେ ତାକୁ ନେଇ ପୁଲିସ ଅଧିକ ତଦନ୍ତ ଚଳାଇଛି ।

ସିଡିଆର ରିପୋର୍ଟ ଆସିବା ଘଟଣାର ଜଣାପଡିବ ସତ ଜଣାପଡିବ ବୋଲି କୁହାଯାଉଛି । ଶନିବାର ଭୁବନେଶ୍ୱର କଟକ ରୋଡରେ ଥିବା ଦିପାଲୀ ହୋଟେଲର ୨୦୫ ନମ୍ବର ରୁମରେ ଝୁଲନ୍ତା ଅବସ୍ଥାରେ ମିଳିଥିଲା ଜଣେ ଯୁବତୀଙ୍କ ମୃତଦେହ । ଝିଅର ମୃତ୍ୟୁ ପରେ ଝିଅକୁ ହତ୍ୟା କରି ଟାଙ୍ଗି ଦିଆଯାଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ । ଏଠି ପ୍ରଶ୍ନ ଉଠୁଛି କଲେଜ ଯିବି ବୋଲି କହି ଶୁଭଶ୍ମିତା କାହିଁକି ଭଦ୍ରକରୁ ଦୀପାଳି ହୋଟେଲ ଯାଇଥିଲେ ? ଉକ୍ତ ହୋଟେଲରେ ଥିବା ବାର୍ ରେ କାମ କରୁଥିଲେ କି ଶୁଭଲକ୍ଷ୍ମୀ? ପ୍ରତାରଣାର ଶିକାର ହୋଇଥିଲେ କି ଶୁଭଲକ୍ଷ୍ମୀ ? ପ୍ରେମରେ ବିଫଳତା କିମ୍ବା ପାରିବାରିକ କଳହ ଶୁଭଲକ୍ଷ୍ମୀଙ୍କୁ ଆତ୍ମହତ୍ୟା ପାଇଁ ପ୍ରବର୍ତ୍ତାଇ ଥିଲା କି ? ।

ମୃତ୍ୟୁର ପ୍ରକୃତ କାରଣ ଜାଣିବା ପାଇଁ ପୋଷ୍ଟମର୍ଟମ ରିପୋର୍ଟ କୁ ଅପେକ୍ଷା କରାଯାଇଥିବା ବେଳେ ଅଧିକ ତଦନ୍ତ ପାଇଁ ଶୁଭଲକ୍ଷ୍ମୀଙ୍କ ମୋବାଇଲ ଫୋନକୁ ଜବତ କରି ଷ୍ଟେଟ ଫରେନ୍ସିକ ସାଇନ୍ସ ଲାବୋରୋଟୋରିକୁ ପଠାଯାଇ କଲ ଡିଟେଲ ରେକର୍ଡ ବାହାର କରୁଛି ଲକ୍ଷ୍ମୀସାଗର ଥାନା ପୋଲିସ । ଏଥିସହ ହୋଟେଲ କର୍ତୁପକ୍ଷ ଓ ପରିବାର ଲୋକଙ୍କ ବୟାନ ମଧ୍ୟ ରେକର୍ଡ କରାଯାଇଛି । ତେବେ ଗୁରୁତ୍ୱପୁର୍ଣ କଥା ହେଉଛି ଏ ସମସ୍ତ ଘଟଣାରେ ପୋଲିସ ପକ୍ଷରୁ ଗଣମାଧ୍ୟମକୁ କୌଣସି ପ୍ରତିକ୍ରିୟା ଦିଆ ନଯିବା ଅନେକ ସନ୍ଦେହ ବଢାଉଛି ।

The post ହୋଟେଲ ରୁମରେ ଯୁବତୀଙ୍କ ମୃତ୍ୟୁ ନେଇ ବଢୁଛି ସନ୍ଦେହ : ୧୦ ଜଣଙ୍କୁ ପୁଲିସର ଜେରା, ସନ୍ଦେହ ଘେରରେ ବାର କର୍ମଚାରୀ first appeared on Kanak News.

from Kanak News https://ift.tt/Ag5xuWr https://ift.tt/ayS4erp