ବ୍ଲଡ୍‌ପ୍ରେସର୍‌କୁ ସନ୍ତୁଳନ କରିପାରିବ କି ଯୋଗାସନ; ପଢନ୍ତୁ Pramod Behera

ମେଟାବୋଲିଜିମ୍‌ରେ ଅସନ୍ତୁଳନ ଡାଇବେଟିସ୍‌ର କାରଣ ହୋଇଥାଏ। ରକ୍ତରେ ଶର୍କରା ଶୀଘ୍ର ବଢିଯିବାରୁ ଶରୀରରେ ବିଭିନ୍ନ ସ୍ୱାସ୍ଥ୍ୟ ସମସ୍ୟା ହେବାର ଆଶଙ୍କା ବଢିଯାଏ। ରକ୍ତରେ ଶର୍କରା କମ୍ ଓ ବେଶି ଗୁରୁତର ସମସ୍ୟା ଆଣିଥାଏ। ତେଣୁ ଏହାକୁ ନିୟନ୍ତ୍ରଣ କରିବା ପାଇଁ ପଦକ୍ଷେପ ନେବା ଜରୁରୀ। ରକ୍ତ ଶର୍କରାକୁ ନିୟନ୍ତ୍ରଣ କରିବା ପାଇଁ କେବଳ ଖାଦ୍ୟପେୟର ପରିବର୍ତ୍ତନ ଯଥେଷ୍ଟ ବିବେଚନା କରାଯାଏ ନାହିଁ। ଏହା ସହିତ ଶାରୀରିକ ସକ୍ରିୟତା ପ୍ରତି ମଧ୍ୟ ଧ୍ୟାନ ଦେବା ଆବଶ୍ୟକ।

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ମଧୁମେହ ରୋଗର ଚିକିତ୍ସା ତଥା ପ୍ରତିରୋଧ ପାଇଁ ଯୋଗାସନ ସବୁଠାରୁ ଉତ୍ତମ ବିକଳ୍ପ ଭାବରେ ବିବେଚନା କରାଯାଏ। ଯୋଗ ଏବଂ ବ୍ୟାୟାମର ଅଭ୍ୟାସ ହାଇପରଗ୍ଲାଇସେମିଆ ବା ଉଚ୍ଚ ରକ୍ତ ଶର୍କରାକୁ ହ୍ରାସ କରିପାରେ। ତେବେ କେଉଁ ଯୋଗାସନ ମଧୁମେହ ରୋଗୀଙ୍କ ପାଇଁ ଲାଭଦାୟକ ହୋଇପାରେ ଆସନ୍ତୁ ଜାଣିବା।

ଧନୁରାସନ:

ଧନୁରାସନ ଅଗ୍ନାଶୟକୁ ମଜବୁତ କରିବାରେ ସାହାଯ୍ୟ କରେ, ତେଣୁ ଏହା ମଧୁମେହ ରୋଗୀଙ୍କ ପାଇଁ ଉପଯୁକ୍ତ ବିବେଚନା କରାଯାଏ। ଏହା ସହିତ, ପେଟର ମାଂସପେଶୀକୁ ମଜବୁତ କରିବା, ହଜମକୁ ବଢେଇବା ଏବଂ ଶାରୀରିକ ନିଷ୍କ୍ରିୟତାର ପାର୍ଶ୍ୱ ପ୍ରତିକ୍ରିୟାକୁ ହ୍ରାସ କରିବା ପାଇଁ ଏହା ଏକ ପ୍ରଭାବଶାଳୀ ଆସନ।

ବାଳାସନ:

ବାଳାସନ ହାମ୍‌ଷ୍ଟ୍ରିଙ୍ଗ୍ସ, ରୋଟେଟର ମାଂସପେଶୀ ଏବଂ ମେରୁଦଣ୍ଡ ଏକ୍ସଟେନସର୍ ବ୍ୟାୟାମ କରିବାରେ ସାହାଯ୍ୟ କରେ। ଫଳରେ ଚାପ, ଥକାପଣ, ପିଠି ଏବଂ ବେକ ଯନ୍ତ୍ରଣାରୁ ମୁକ୍ତି ମିଳେ। ଏହି ଅଭ୍ୟାସ ଇନ୍‌ସୁଲିନ୍ ଉତ୍ପାଦନ କରୁଥିବା ବିଟା କୋଷଗୁଡ଼ିକର ଉତ୍ପାଦନ ବୃଦ୍ଧିରେ ମଧ୍ୟ ସାହାଯ୍ୟ କରେ।

ଭୁଜଙ୍ଗାସନ:

ଭୁଜଙ୍ଗାସନ ଅଭ୍ୟାସ ଶରୀରକୁ ଆରାମ ଦେବା ସହିତ ମନକୁ ଶାନ୍ତ କରିଥାଏ। ଏହା ମସ୍ତିଷ୍କର ଚାପକୁ ହ୍ରାସ କରିବାରେ ଏବଂ ଶରୀରରେ ରକ୍ତ ସଞ୍ଚାଳନ ବଢାଇ ସୁସ୍ଥ ରଖିବାରେ ସହାୟକ ହୋଇଥାଏ। ମଧୁମେହରେ ପୀଡିତ ଲୋକମାନେ ଏହି ଯୋଗ ଅଭ୍ୟାସ କରି ରକ୍ତରେ ଶର୍କରାକୁ ସହଜରେ ନିୟନ୍ତ୍ରଣ କରିପାରିବେ।

from Latest Odisha News, Breaking News Today | Top Updates on Corona - OTV News https://ift.tt/CgjDf5G