ଆରୟନଙ୍କୁ ମିଳିବ କି ବେଲ୍ ? ଆଜି ଅପରାହ୍ନ ୨ଟା ୩୦ରେ ପୁଣି ହେବ ଶୁଣାଣି Kanak News

କନକ ବ୍ୟୁରୋ : ଆଜି ପୁଣି ବମ୍ବେ ହାଇକୋର୍ଟରେ ଆରୟାନ ଖାନଙ୍କ ଜାମିନ୍ ଆବେଦନର ଶୁଣାଣି ହେବ । ଅପରାହ୍ନ ୨ଟା ୩୦ରେ ମାମଲାର ଶୁଣାଣି ଆରମ୍ଭ ହେବ । ଗତକାଲି ଉଭୟ ଏନସିବି ଏବଂ ଆରୟନଙ୍କ ଓକିଲ କୋର୍ଟରେ ପକ୍ଷ ରଖିଥିଲେ । ପରେ ଆଜି ଆଉଥରେ ଶୁଣାଣି ହେବ ବୋଲି କୋର୍ଟ କହିଥିଲେ । ୨୦ରୁ ଅଧିକ ଦିନ ହେବ ଆରୟାନ ଡ୍ରଗ୍ସ ମାମଲାରେ ଜେଲରେ ଅଛନ୍ତି । ବଲିଉଡ ସୁପରଷ୍ଟାର ଶାହରୁଖ ଖାନ ପୁଅର ଜାମିନ୍ ପାଇଁ ବଡ ବଡ ଓକିଲ ନିୟୋଜିତ କରିଛନ୍ତି ।

ପୂର୍ବତନ ଆଟର୍ଣ୍ଣି ଜେନେରାଲ ମୁକୁଲ ରହତୋଗି ହାଇକୋର୍ଟରେ ଆରୟନଙ୍କ ପାଇଁ ଗତକାଲି ପକ୍ଷ ରଖିଥିଲେ । ରେଡ୍ବେଳେ ଆରୟନଙ୍କ ପାଖରୁ ଡ୍ରଗ୍ସ ମିଳିନାହିଁ ତେଣୁ ତାଙ୍କୁ ଜାମିନ ଦିଆଯାଉ ବୋଲି ସେ ଦାବି କରିଛନ୍ତି । ଅନ୍ୟପଟେ ଏନସିବି କହିଛି ଶାହରୁଖ ଖାନଙ୍କ ମ୍ୟାନେଜର ପ୍ରିୟା ଦଦଲାନି ସାକ୍ଷୀଙ୍କୁ ଭ୍ରମିତ କରିବାକୁ ଚେଷ୍ଟା କରୁଛନ୍ତି । ଆରୟନଙ୍କ ସମ୍ପୃକ୍ତି ଅନ୍ତର୍ଜାତୀୟ ଡ୍ରଗ୍ସ ଟ୍ରାଫିକିଂ ସହିତ ରହିଛି । ଯାହା ତାଙ୍କ ହ୍ୱାଟ୍ସ ଆପ ଚାଟରୁ ଯାହା ସ୍ପଷ୍ଟ ହୋଇଛି । ଅକ୍ଟୋବର ୨୦ରେ ଏନଡିପିଏସ କୋର୍ଟ ଆରୟନଙ୍କ ଜାମିନ ଖାରଜ କରିବା ପରେ ବମ୍ବେ ହାଇକୋର୍ଟର ପହଂଚିଛି ମାମଲା ।

The post ଆରୟନଙ୍କୁ ମିଳିବ କି ବେଲ୍ ? ଆଜି ଅପରାହ୍ନ ୨ଟା ୩୦ରେ ପୁଣି ହେବ ଶୁଣାଣି first appeared on Kanak News.

from Kanak News https://ift.tt/3jDiC8w https://ift.tt/30Vq7kM