ଆଜି ଦିଲ୍ଲୀ-ଚେନ୍ନାଇ ମ୍ୟାଚ, ଶୀର୍ଷ ସ୍ଥାନ ପାଇଁ ହେବ ଜୋରଦାର ଲଢେଇ Kanak News

କନକ ବ୍ୟୁରୋ: ଆଜି ଆଇପିଏଲ ମ୍ୟାଚରେ ମୁହାଁମୁହିଁ ହେବେ ଚେନ୍ନାଇ ସୁପର କିଙ୍ଗସ ଓ ଦିଲ୍ଲୀ କ୍ୟାପିଟିଲ୍ସ । ଶୀର୍ଷ ସ୍ଥାନରେ ରହିବା ପାଇଁ ଏହି ମ୍ୟାଚରେ ଦମଦାର ଲଢେଇ ଦେଖିବାକୁ ମିଳିବ । ଚେନ୍ନାଇ ନିଜ ସ୍ଥାନ ବଜାୟ ରଖିବା ପାଇଁ ଲଢେଇ କରିବ । ସେହିପରି ଦିଲ୍ଲୀ ଚେନ୍ନାଇକୁ ମାତ ଦେଇ ଟପ ୧ରେ ରହିବାକୁ ପ୍ରୟାସ କରିବ ।

ଚଳିତ ଆଇପିଏଲ ଦିଲ୍ଲୀ-ଚେନ୍ନାଇ ଶକ୍ତିଶାଳୀ ନଜର ଆସିଛନ୍ତି । ଦୁଇ ଦଳ ଆଇପିଏଲ ପଏଣ୍ଟ ଟେବୁଲର ସମାନ ସ୍ଥିତିରେ ପ୍ରଥମ ଓ ଦ୍ୱିତୀୟ ସ୍ଥାନରେ ରହିଛନ୍ତି । ଚେନ୍ନାଇ ୧୨ଟି ମ୍ୟାଚ ଖେଳି ୯ଟି ବିଜୟ ଓ ୩ଟି ପରାଜୟ ସହ ୧୮ ପଏଣ୍ଟରେ ପ୍ରଥମ ସ୍ଥାନରେ ରହିଛି । ସେହିପରି ଦିଲ୍ଲୀ ୧୨ଟି ମୟାଚ ଖେଳି ୯ଟି ବିଜୟ ଓ ୩ଟି ପରାଜୟ ସହ ୧୮ ପଏଣ୍ଟରେ ଦ୍ୱିତୀୟ ସ୍ଥାନରେ ରହିଛି ।

ଦୁଇ ଦଳ ଚଳିତ ଆଇପିଏଲରେ ଦ୍ୱିତୀୟ ଥର ପାଇଁ ମୁହାଁମୁହିଁ ହେବେ । ପ୍ରଥମ ମ୍ୟାଚରେ ଦିଲ୍ଲୀ ଚେନ୍ନାଇକୁ ମାତ ଦେଇଥିଲା । ତେବେ ଆଜିର ମ୍ୟାଚରେ ଚେନ୍ନାଇ ବଦଲା ନେବାକୁ ଚେଷ୍ଟା କରିବ । ତେଣୁ ଆଜିର ମ୍ୟାଚରେ କଡା ଟକ୍କର ଦେଖିବାକୁ ମିଳିବ ।

The post ଆଜି ଦିଲ୍ଲୀ-ଚେନ୍ନାଇ ମ୍ୟାଚ, ଶୀର୍ଷ ସ୍ଥାନ ପାଇଁ ହେବ ଜୋରଦାର ଲଢେଇ first appeared on Kanak News.

from Kanak News https://ift.tt/2ZYbYTH https://ift.tt/3FaPO0B