ଆର୍ଯ୍ୟନଙ୍କ ଗିରଫ ପରେ ଶାହାରୁଖଙ୍କ ଘରେ ପହଞ୍ଚିଲେ ସଲମାନ ଖାନ, କେସ୍‌ର ପରବର୍ତ୍ତୀ ଶୁଣାଣି ସୋମବାର

ମୁମ୍ବାଇ ୦୩।୧୦: ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଡ୍ରଗ୍ସ କେସ୍‌ରେ ଗିରଫ ହୋଇଛନ୍ତି। ଏମିତି ସ୍ଥିତିରେ ସଲମାନ ଖାନ କିଙ୍ଗ୍ ଖାନଙ୍କ ଘର ମନ୍ନତ ପହଞ୍ଚିଛନ୍ତି। ସଲମାନଙ୍କ ଶାହାରୁଖଙ୍କ ଘରେ ପହଞ୍ଚିବାର ଭିଡିଓ ସାମ୍ନାକୁ ଆସିଛି।

ରବିବାର ସକାଳଠୁ ହିଁ ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଡ୍ରଗ୍ସ କେସ୍‌କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି। ଏହି କେସ୍‌ରେ ଆର୍ଯ୍ୟନଙ୍କ ବିରୋଧରେ ଏନସିବିକୁ ବଳିଷ୍ଠ ପ୍ରମାଣ ମଧ୍ୟ ମିଳିଥିବା କୁହାଯାଉଛି। ଶାହାରୁଖ ଖାନଙ୍କ ପୁଅକୁ ଏହି କେସ୍‌ରେ ଗିରଫ କରାଯାଇଛି। ଏବେ ଶାହାରୁଖଙ୍କ ଘରେ ସଲମାନ ଖାନ ପହଞ୍ଚିଛନ୍ତି। ଆର୍ଯ୍ୟନଙ୍କୁ ନେଇ ଦୁଇ ଦିଗ୍‌ଜ ଅଭିନେତାଙ୍କ ମଧ୍ୟରେ ଆଲୋଚନା ହେଉଥିବା କୁହାଯାଉଛି।

ଏହି ହାଇପ୍ରୋଫାଇଲ ରେଭ ପାର୍ଟି ମାମଲାରେ ଶାହାରୁଖଙ୍କ ପୁଅ ଆର୍ଯ୍ୟନ ସମେତ ୩ ଜଣଙ୍କୁ ଗିରଫ କରାଯାଇଛି। ଆର୍ଯ୍ୟନ ଡ୍ରଗ୍ସ ସେବନ କରିବା ସହ ଡ୍ରଗ୍ସ ଯୋଗାଣକାରୀଙ୍କ ସଂପର୍କରେ ଥିବା ଅଭିଯୋଗ ହୋଇଛି। ଏହା ସଂପର୍କିତ ତଥ୍ୟ ହ୍ଵାଟ୍ସଆପ୍ ଚାଟ୍‌ରୁ ମଧ୍ୟ ମିଳିଛି। ଆର୍ଯ୍ୟନ ଖାନ, ଅରବାଜ ମର୍ଚ୍ଚାଣ୍ଟ ଓ ମୁନମୁନ ଧମେଚାଙ୍କୁ କୋର୍ଟ ଅକ୍ଟୋବର ୪ ପର୍ଯ୍ୟନ୍ତ ଗୋଟିଏ ଦିନିଆ ଏନସିବି  ହେପାଜତରେ ପଠାଇଛି। ଏହି କେସ୍‌ର ପରବର୍ତ୍ତୀ ଶୁଣାଣି ଆସନ୍ତାକାଲି ଅର୍ଥାତ ଅକ୍ଟୋବର ୪ ତାରିଖ ଅପରାହ୍ନରେ ହେବ।

from Prameya News7 https://ift.tt/3D2IvWG