ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇଲା ଗାଡ଼ି, ଜଣେ ମୃତ, ଜଣେ ଗୁରୁତର

ବେତନଟୀ, ୨୮/୦୯: ବେତନଟୀ ଥାନା ଅନ୍ତର୍ଗତ ଦହିକୋଟି ବାଉଁଶ ନଦୀ ପୋଲ ନିକଟରେ ବାଇକ ଦୃଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିବା ଜଣାପଡ଼ିଛି । ମୃତକ ବେତନଟୀ ଥାନା ଅନ୍ତର୍ଗତ ଅମଣିଦା ଗ୍ରାମର ରାମ ମାରାଣ୍ତି (୨୫) । ଗୁରୁତର ଜଣକ ସେହି ଗ୍ରାମର ମଙ୍ଗଲ ମାରାଣ୍ତି । ରାମ ମାରାଣ୍ତି ଓ ମଙ୍ଗଲ ବେତନଟୀରୁ ନିଜ ଗ୍ରାମ ଅମଣିଦା ଫେରୁଥିବା ରାସ୍ତାରେ ଦୁର୍ଘଟଣା ଘଟିଛି ।

ଦୁଇଜଣ ରାସ୍ତାରେ ଏକ ବାଇକରେ ଯାଉଥିବା ସମୟରେ ଭାରସାମ୍ୟ ହରାଇଥିଲେ । ଯାହା ଫଳରେ ପିଚୁ ରାସ୍ତାରେ ପଡିଯାଇ ଏଭଳି ଦୁର୍ଘଟଣା ଘଟିଛି । ଦୃଘଟଣା ପରେ ଗୁରୁତର ମଙ୍ଗଲକୁ ଏକ ବୋଲେରୋରେ ବେତନଟୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚା ଯାଇ ଚିକିତ୍ସା କରାଯାଇଥିଲା । ରାମ ମାରାଣ୍ତିକୁ ବେତନଟୀ ଅଗ୍ନିଶମ ବିଭାଗ ଗାଡିରେ ବେତନଟୀ ଡାକ୍ତରଖାନା ପହଞ୍ଚାଇବା ପରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ ।

from Prameya News7 https://ift.tt/3ujMhb6