କମିଶନରେଟ ପୋଲିସ ପଞ୍ଝାରେ ୩ ଲୁଟେରା, ବାଇକ୍ ଓ ବନ୍ଧୁକ ଜବତ

ଭୁବନେଶ୍ୱର, ୨୮|୦୯:  କମିଶନରେଟ ପୋଲିସ ପଞ୍ଝାରେ ୩ ହାଇୱେ ଲୁଟେରା । ମଙ୍ଗଳବାର ଭୋରରୁ ଏହି ତିନି ଲୁଟେରାଙ୍କୁ କାବୁ କରିଛି କମିଶନରେଟ ପୋଲିସ ।

ସୂଚନାନୁସାରେ, ଲୁଟେରାମାନେ ପିସ୍ତଲ ଧରି ସତସଙ୍ଗ ବିହାର ରାସ୍ତାରେ ଲୁଟ ପାଟ ପାଇଁ ପ୍ରସ୍ତୁତ ହେଉଥିଲେ । ବାଣୀବିହାର ଓ ରସୁଲଗଡ ରାସ୍ତାରେ ସତସଙ୍ଗ ବିହାର ପଡିଥାଏ । ସେମାନେ ପଥଚାରୀ, ବାଇକ୍ ଚାଳକ କିମ୍ବା ଟ୍ରକ୍ ଚାଳକଙ୍କୁ ଟାର୍ଗେଟ୍ କରିଥାନ୍ତେ ।

କିନ୍ତୁ ଖବର ପାଇ ସହିଦନଗର ଥାନାର ୩୪ ନମ୍ବର ପିସିଆର ଘଟଣାସ୍ଥଳରେ ପହଞ୍ଚିଥିଲା । ପୋଲିସକୁ ଦେଖି ଲୁଟେରା ଘଟଣା ସ୍ଥଳରୁ ଖସିଯିବାକୁ ଉଦ୍ୟମ କରିଥିଲେ। ହେଲେ ପିସିଆରରେ ଥିବା ପୋଲିସ କର୍ମଚାରୀ ଏହି ତିନି ଜଣଙ୍କୁ କାବୁ କରି ଥାନାକୁ ଆଣିଥିଲେ । ଏମାନଙ୍କ ନିକଟରୁ ଗୋଟିଏ ପିସ୍ତଲ ଓ ବାଇକ ଜବତ କରାଯାଇଛି।

from Prameya News7 https://ift.tt/3EWhtSE