ସୁପରମାର୍କେଟ‌ରେ ଭୟଙ୍କର ଗୁଳିକାଣ୍ଡ : ଜଣେ ପୋଲିସ ଅଧିକାରୀଙ୍କ ସମେତ ୧୦ ଜଣଙ୍କ ମୃତ୍ୟୁ

ଓ୍ବାଶିଂଟନ ୨୩/୦୩ : ଆମେରିକାର କୋଲୋରାଡୋ ସ୍ଥିତ ବୋଲ୍ଡରର ଏକ ସୁପରମାକେର୍ଟରେ ଭୟଙ୍କର ଗୁଳିକାଣ୍ଡ ହୋଇଛି । ଏହି ଗୁଳିକାଣ୍ଡରେ ମୃତ୍ୟୁସଂଖ୍ୟା ୧୦କୁ ବୃଦ୍ଧି ପାଇଛି । ଗୁଳିମାଡରେ ମୃତ୍ୟୁବରଣ କରିଥିବା ବ୍ୟକ୍ତମାନଙ୍କ ମଧ୍ୟରେ ଜଣେ ପୋଲିସ ଅଧିକାରୀ ମଧ୍ୟ ଅଛନ୍ତି । ନ୍ୟୁଜ୍‌ ଏଜେନ୍ସି ଏପି ମୁତାବକ ଗୁଳିକାଣ୍ଡ ଘଟଣାରେ ବର୍ତ୍ତମାନ ସୁଦ୍ଧା ୧୦ ଜଣଙ୍କ ମୃତ୍ୟୁ ହୋଇସାରିଲାଣି ।

ଗୁଳିକାଣ୍ଡରେ ସଂପୃକ୍ତ ଜଣେ ସନ୍ଧିଗ୍ଧକୁ ପୋଲିସ ହେପାଜତକୁ ନେଇଥିବା ସୂଚନା ମିଳିଛି । କିନ୍ତୁ ଅଭିଯୁକ୍ତଜଣକ କାହିଁକି ଗୁଳିମାଡ କରିଥିଲା ତାହା ବର୍ତ୍ତମାନ ସୁଦ୍ଧା ପୋଲିସ ଖୁଲାସା କରିପାରିନାହିଁ । ଗୁଳିକାଣ୍ଡ ଘଟଣାରେ ଯାଞ୍ଚ ଜାରି ରଖିଥିବା କହିଛି ପୋଲିସ ।

ସୂଚନାଯୋଗ୍ୟ, ବୋଲ୍ଡରର ଗୋଟିଏ ଜନଗହଳିପୂର୍ଣ୍ଣ ସୁପରମାର୍କେଟ‌ର ଭିଡ ମଧ୍ୟରେ ଜଣେ ଆତତାୟୀ ଆଖିବୁଜା ଗୁଳିମାଡ କରିଥିଲା । ସୁପର୍‌ମାର୍କେଟ୍‌ରେ ଭିଡ ଅଧିକ ଥିବାରୁ ଲୋକମାନେ ଧାଁ ଦୌଡ କରିଥିଲେ । ତେବେ ଗୁଳିବାଜିବା କାରଣରୁ ୯ ଜଣ ସାଧାରଣ ଲୋକ ଏବଂ ଜଣେ ପୋଲିସ ଅଧିକାରୀଙ୍କ ମୃତ୍ୟୁ ଘଟିଥିଲା । ପୋଲିସ ଏହି ମାମଲାର ତଦନ୍ତ ଜାରି ରଖିଛି ।

from Prameya News7 https://ift.tt/3lFtClL