ଗଛ କଟାକୁ ବିରୋଧ, ସମସ୍ୟାର ସମାଧାନ ନହେଲେ ଆନ୍ଦୋଳନର ଚେତାବନୀ ଦେଲା ସମାଜସେବୀ ମହାସଂଘ

ଭଦ୍ରକ ୨୩।୦୩: ଗଛକଟାକୁ ବିରୋଧ । ରାସ୍ତା ପ୍ରଶସ୍ତିକରଣ ନାଁରେ ଚାଲିଥିବା ଗଛକଟାରୁ ବିରୋଧ କରିଛନ୍ତି ସମାଜସେବୀ ମହାସଂଘ । ଯାହାକୁ ଜିଲ୍ଲା ପ୍ରଶାସନକୁ ଏକ ଦାବିପତ୍ର ପ୍ରଦାନ କରିଛନ୍ତି । ବିନା କାରଣରେ ଯଦି ଆଗାମୀ ଦିନରେ ଗଛକଟା ହୁଏ, ତେବେ ଆନ୍ଦୋଳନର ଚେତାବନୀ ଦେଇଛି ମହାସଂଘ ।

ଖବର ଅନୁଯାୟୀ, ଭଦ୍ରକ ସହରର କଚେରୀ ବଜାର ଠାରୁ ରାଜଘାଟ ଛକ ପର୍ଯ୍ୟନ୍ତ ରାସ୍ତା ମଝିରେ ଥିବା ଗଛଗୁଡିକ କଟାଯାଉଛି । ଛୋଟ ଓ ବଡ଼ ଗଛ  ମିଶାଇ ମୋଟ ୮୧ଟି ଗଛ ଚିହ୍ନଟ ହୋଇଛି । ଏଥିମଧ୍ୟରୁ ପ୍ରାୟ ୩୦ଟି ଗଛ କଟାସରିଥିବା ବେଳେ ଅନ୍ୟ ଗଛ ଗୁଡିକର କଟା କାମକୁ ବିରୋଧ କରିଛି ସମାଜସେବୀ ମହାସଂଘ ।  

ରାସ୍ତା ପ୍ରଶସ୍ତିକରଣ ପୂର୍ବରୁ ରାସ୍ତା ପାର୍ଶ୍ଵର ଦୋକାନ ଓ ଉଠା ଦୋକାନୀଙ୍କୁ ଉଚ୍ଛେଦ ନକରି ପ୍ରଥମେ ଗଛ କଟାକୁ ବିରୋଧ ହୋଇଛି । ଏନେଇ ଜିଲ୍ଲା ପ୍ରଶାସନକୁ ଏକ ଦାବିପତ୍ର ପ୍ରଦାନ କରିଛି ସଂଘ । ଯଦି ଆଗାମୀ ଦିନରେ ବିନା କାରଣରେ ଗଛ କଟା ବନ୍ଦ ନକଲେ, ତେବେ ଜୋରଦାର ଆନ୍ଦୋଳନ ହେବ ବୋଲି ଚେତାବନୀ ଦେଇଛି ସଂଘ ।

from Prameya News7 https://ift.tt/3vTNohU