ଗର୍ଲଫ୍ରେଣ୍ଡ୍ ସୋମି ଅଲିଙ୍କୁ ଧୋକା ଦେଇଥିଲେ ସଲମାନ ଖାନ୍, ଅଭିନେତ୍ରୀ ଜଣାଇଲେ ସମ୍ପୂର୍ଣ୍ଣ କାହାଣୀ

ମୁମ୍ବାଇ ୩୧/୦୩: ଖୁବ୍ କମ୍ ବୟସରେ ବଲିଉଡରେ ଡେବ୍ୟୁ କରିଥିବା ଅଭିନେତ୍ରୀ ସୋମି ଅଲି ଅଳ୍ପ ସମୟ ମଧ୍ୟରେ ଇଣ୍ଡଷ୍ଟ୍ରି ଛାଡି ଦେଇଥିଲେ । ବଲିଉଡ ଛାଡିବାର କାରଣ ହେଉଛି ସଲମାନଙ୍କ ସହ ତାଙ୍କର ବ୍ରେକଅପ୍, ଯାହା ବିଷୟରେ ସେ ପୂର୍ବରୁ କହିସାରିଛନ୍ତି । କିନ୍ତୁ ନିକଟରେ ସେ ଏପରି କିଛି କଥା କହିଛନ୍ତି ଯାହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ । ସୋମି କହିଛନ୍ତି ସଲମାନ ତାଙ୍କ ପ୍ରତି ବିଶ୍ୱାସଘାତକତା କରିଥିଲେ ଏବଂ ଏହା ପରେ ସେ ଏତେ ଭାଙ୍ଗିପଡିଥିଲେ ଯାହାଫଳରେ ଇଣ୍ଡଷ୍ଟ୍ରି ଛାଡିଦେଇଥିଲେ ।

ସୋମି ଅଲି ୧୬ ବର୍ଷ ବୟସରେ ଫିଲ୍ମ 'ମେନ୍ ପ୍ୟାର୍ କିୟା'ରେ ସଲମାନ ଖାନଙ୍କୁ ପ୍ରଥମ ଥର ଦେଖିଥିଲେ । ଏହି ଫିଲ୍ମ ପରେ ସୋମି ସଲମାନଙ୍କୁ ବିବାହ କରିବାର ସ୍ୱପ୍ନ ଦେଖିବା ଆରମ୍ଭ କରିଥିଲେ । ସେ ତାଙ୍କ ସୁଟକେସ୍ ପ୍ୟାକ୍ କରି ମା’ଙ୍କୁ କହିଥିଲେ ସଲମାନଙ୍କୁ ବିବାହ କରିବାକୁ ଭାରତ ଯିବାକୁ ଚାହୁଁଛନ୍ତି । ଭାରତ ଆସିବା ପରେ ସେ କିଛି ମଡେଲିଂ ପ୍ରୋଜେକ୍ଟ ଏବଂ ଫିଲ୍ମ ପରେ ସଲମାନଙ୍କୁ ଭେଟିଥିଲେ ।

ସୋମି ସଲମାନଙ୍କୁ ଭେଟିବା ପରେ ୧୭ ବର୍ଷ ବୟସରେ ସଲମାନଙ୍କୁ ଡେଟିଂ କରିବା ଆରମ୍ଭ କରିଥିଲେ । ତାଙ୍କର ଏହି ସମ୍ପର୍କ ୮ ବର୍ଷ ପର୍ଯ୍ୟନ୍ତ ରହିଥିଲା ଏବଂ ସେମାନେ ୧୯୯୯ ମସିହାରେ ଅଲଗା ହୋଇଯାଇଥିଲେ । ଏକ ଇଣ୍ଟରଭ୍ୟୁରେ ସୋମି ତାଙ୍କ ବ୍ରେକଅପ୍ ର ସମ୍ପୂର୍ଣ୍ଣ କାହାଣୀ କହିଛନ୍ତି ।

ସୋମି କହିଛନ୍ତି, ‘ମୋର ତାଙ୍କ ସହିତ ବ୍ରେକଅପ୍ ହେବାର ୨୦ ବର୍ଷ ବିତିଗଲାଣି । ସେ ମୋତେ ଧୋକା ଦେଇଥିଲେ ଏବଂ ମୁଁ ତାଙ୍କ ସହ ବ୍ରେକଅପ୍ କରି ଫେରି ଆସିଥିଲି । ସଲମାନ ମୋତେ କହିଥିଲେ ବର୍ତ୍ତମାନ ଆମେ ଦୁହେଁ ନିଜ ନିଜ ଜୀବନରେ ଆଗକୁ ବଢିସାରିଲେଣି । ଏବେ ଆମେ ଅଲଗା ହୋଇଯିବା ଭଲ ହେବ । ତେଣୁ ମୁଁ ବ୍ରେକଅପ୍ କରିନେିଥିଲି । ବ୍ରେକଅପ୍ ପରେ ବଲିଉଡ୍ ରେ ରହିବା କୌଣସି କାରଣ ନଥିଲା ତେଣୁ ମୁଁ ଫେରିଆସିଥିଲି ।’ ବଲିଉଡ୍ ରେ ଫେରିବା ବିଷୟରେ ସୋମି କହିଛନ୍ତି, 'ମୋର ସେତେବେଳେ କୌଣସି ଆଗ୍ରହ ନଥିଲା ଏବଂ ଏବେବି ନାହିଁ । ମୁଁ ସେଠାରେ ଫିଟ୍ ନୁହେଁ ’।

from Prameya News7 https://ift.tt/3u6EE6y