ବନ୍ଧାହେଲେ ଅଭିନେତା ଏଜାଜ୍ ଖାନ୍, ଡ୍ରଗ୍ସ ମାମଲାରେ ଗିରଫ କଲା ଏନସିବି

ମୁମ୍ୱାଇ ୩୧/୩ : ବଲିଉଡ-ଡ୍ରଗସ୍-ବିବାଦ । ଡ୍ରଗ୍ସ ଲିଙ୍କ ନେଇ ବଲିଉଡର ଜଣଙ୍କ ପରେ ଜଣେ ଛନ୍ଦି ହେବାରେ ଲାଗିଛନ୍ତି । ଏବେ ଏହି ମାମଲାରେ ଗିରଫ ହୋଇଛନ୍ତି ଅଭିନେତା ଏଜାଜ୍ ଖାନ । ମଙ୍ଗଳବାର ବିଳମ୍ୱିତ ରାତିରେ ଏଜଜାଙ୍କୁ ଗିରଫ କରିଛି ଏନସିବି ।

ଘଟଣାରୁ ଜଣାପଡିଛି ଯେ, ଏଜାଜ ଖାନ ଡ୍ରଗ କିଙ୍ଗ ଫାରୁଖ ବଟାଟା ଏବଂ ତାର ପୁଅ ଶାଦାବ ବଟାଟା ସହ କାମ କରୁଥିଲେ । ଏପରିକି ଦୀର୍ଘଦିନ ଧରି ଏମାନଙ୍କ ସହ ଡ୍ରଗ୍ସ ବ୍ୟବସାୟ ବି ଚଳାଉଥିଲେ । ବିଳମ୍ୱିତ ରାତିରେ ଏଜାଜକୁ ଏନ୍‌ସିବି ଦୀର୍ଘ ସମୟ ଧରି ପଚରାଉଚରା ପରେ ଗିରଫ କରିଛି । ଏହା ପୂର୍ବରୁ ଏନ୍‌ସିବି ଡ୍ରଗ ମାଫିଆ ଫାରୁଖ ବଟାଟାକୁ ପାଖାପାଖି ୮ ଘଣ୍ଟା ପର୍ଯ୍ୟନ୍ତ ପଚରାଉଚରା କରିଥିଲା । ଫାରୁଖଙ୍କ ପୁଅ ଶାଦାବକୁ ଗତ ସପ୍ତାହରେ ଏନସିବି ଚଢ଼ାଉ କରି ଗିରଫ କରିଥିଲା । ପାଖାପାଖି ୨ କୋଟି ଟଙ୍କା ମୂଲ୍ୟର ଡ୍ରଗ ବି ଜବତ କରିଥିଲା ଏନସିବି। ଶାଦାବକୁ ପଚରାଉଚରା ବେଳେ ସେ ବଲିଉଡ ଅଭିନେତାଙ୍କ ଏଜାଜଙ୍କ ସହ ଲିଙ୍କ ଥିବା ଜଣାଇଥିଲା । ଗତକାଲି ଏଜାଜ୍ ରାଜସ୍ଥାନରୁ ମୁମ୍ବାଇ ଫେରିବା ପରେ ଏନ୍‌ସିବି ନୋଟିସ ଦେଇ ନିଜ ହେପାଜତକୁ ନେଇଥିଲା । ଏନସିବି ଏଜାଜଙ୍କୁ ଗିରଫ କରିବା ପରେ ନେଇ ଅନ୍ଧେରୀ ଓ ଲୋଖଣ୍ଡୱାଲାର କିଛି ସ୍ଥାନରେ ଚଢ଼ାଉ କରିଛି । ତେବେ ଚଢ଼ାଉ ସମୟରେ ଡ୍ରଗ ମିଳିଛି କି ନାହିଁ ତାହା ଏଯାବତ୍ ସ୍ପଷ୍ଟ ହୋଇନି ।  

from Prameya News7 https://ift.tt/3cA1XQ8