ପିଲାଚୋର ସନ୍ଦେହରେ ଯୁବକଙ୍କୁ କାବୁ କଲେ ବସ୍ତିବାସିନ୍ଦା, ଉଦ୍ଧାର କଲା ପୋଲିସ

ଢେଙ୍କାନାଳ, ୨୦/୦୨: ଢେଙ୍କାନାଳ ସହରର  କଣ୍ଟାନାଳି ସାହିରେ ପିଲା ଚୋର ସନ୍ଦେହରେ ବସ୍ତି ବାସିନ୍ଦା  ଜଣଙ୍କୁ ଅଟକ ରଖିଛନ୍ତି । ଏହି ବ୍ୟକ୍ତି ଜଣଙ୍କ ଶୁକ୍ରବାର ବିଳମ୍ବିତ ରାତିରେ ଏହି ବସ୍ତିର କୁନି ଦେହୁରୀଙ୍କ ଘରେ ପଶି ପିଲା ଖୋଜୁଥିବାବେଳେ ଧରାପଡିଛି ।

ସୂଚନାନୁସାରେ, ବ୍ୟକ୍ତିଜଣଙ୍କ ଶୁକ୍ରବାର ରାତିରେ କୁନୀ ଦେହୁରୀଙ୍କ ଘରେ ପଶି ପିଲା ଖୋଜୁଥିଲେ । ଏହି ସମୟରେ କୁନି ପାଟି କରି ଅନ୍ୟମାନଙ୍କୁ ଡାକିଥିଲେ । ପାଟି ଶୁଣି ବସ୍ତି ବାସିନ୍ଦା ଏହି ବ୍ୟକ୍ତିଙ୍କୁ ପିଲା ଚୋର ସନ୍ଦେହରେ କାବୁ କରିଛନ୍ତି । ଏହାକୁ ନେଇ ବସ୍ତିରେ ଉତ୍ତେଜନା ପ୍ରକାଶ ପାଇଛି ।

ଅଟକ ବ୍ୟକ୍ତିଙ୍କ ପାଖରୁ ମିଳିଥିବା ଆଧାର କାର୍ଡ ମୁତାବକ ତାଙ୍କ ନାଁ ଚିତ ବପଙ୍ଗା ଓ ଘର ରାଉରକେଲା ପାନପୋଷ ଦେଡଙ୍ଗବସା ବୋଲି ଜଣାପଡିଛି । ଶନିବାର ସକାଳେ ଖବର ପାଇ ଟାଉନ ଥାନା ପୋଲିସ ଉକ୍ତ ବ୍ୟକ୍ତିଙ୍କୁ ଲୋକଙ୍କ କବଳରୁ ଉଦ୍ଧାର କରି ତଦନ୍ତ ଆରମ୍ଭ କରିଛି ।

from Prameya News7 https://ift.tt/3s7zh6b