ଚେନ୍ନାଇ,୧୯/୦୨: ଚେନ୍ନାଇରେ ଖେଳାଯାଇଥିବା ଦ୍ୱିତୀୟ ଟେଷ୍ଟରେ ଇଂଲଣ୍ଡକୁ ପରାସ୍ତ କରିଛି ଟିମ୍ ଇଣ୍ଡିଆ । ତେବେ ତୃତୀୟ ଓ ଚତୁର୍ଥ ଟେଷ୍ଟ ଖେଳିବା ପାଇଁ ଉଭୟ ଭାରତ ଓ ଇଂଲଣ୍ଡ କ୍ରିକେଟ୍ ଦଳ ଅହମ୍ମଦାବାଦରେ ଆସି ପହଞ୍ଚିଛନ୍ତି । ଚେନ୍ନାଇରେ ପ୍ରଥମ ୨ଟି ଟେଷ୍ଟ ଖେଳାଯାଇଥିଲା । ଉଭୟ ଦଳ ଗୋଟିଏ ଲେଖାଏଁ ମ୍ୟାଚ୍ ଜିତିଛନ୍ତି ।
୨୪ ତାରିଖରୁ ନବ ନିର୍ମିତ ମୋଟେରା ଷ୍ଟାଡିୟମ୍ରେ ତୃତୀୟ ଟେଷ୍ଟ ଆରମ୍ଭ ହେବ । ଉଭୟ ଦଳ ଏକ ଚାଟାର୍ଡ ବିମାନ ଯୋଗେ ଚେନ୍ନାଇରୁ ସିଧା ଅହମ୍ମଦାବାଦରେ ପହଁଚିଛନ୍ତି । ସେଠାରୁ ବସ୍ ଯୋଗେ ଉଭୟ ଦଳକୁ ହୋଟେଲକୁ ନିଆଯାଇଥିଲା ।
ଶୁକ୍ରବାରଠୁ ଉଭୟ ଦଳ ଅଭ୍ୟାସ ଆରମ୍ଭ କରିବେ । ତୃତୀୟ ଟେଷ୍ଟ ଦିବା/ରାତ୍ର ହୋଇଥିବାରୁ ଅପରାହ୍ନରେ ଅଭ୍ୟାସ କରିବାକୁ ଉଭୟ ଦଳ ନିଷ୍ପତ୍ତି ନେଇଛନ୍ତି । ଦ୍ୱିତୀୟ ଟେଷ୍ଟ ଆରମ୍ଭ ହେବା ମାତ୍ରେ ଉଭୟ ଦଳ ପିଙ୍କ ବଲ୍ରେ ଅଭ୍ୟାସ ଆରମ୍ଭ କରିଦେଇଥିଲେ । ଗୁରୁବାର ଦଳର ବିଶ୍ରାମ ଦିବସ । ଶୁକ୍ରବାରଠୁ ଫ୍ଲଡ୍ ଲାଇଟ୍ ତଳେ ଖେଳାଳିମାନେ ଅଭ୍ୟାସ କରିବେ ବୋଲି ସୂଚନା ମିଳିଛି ।
from Prameya News7 https://ift.tt/3pxJZkJ
No comments: