ସୁଶାନ୍ତ ସିଂ ମୃତ୍ୟୁ ମାମଲା, ଆଜି NCBରେ ହାଜର ହେବେ ରିୟା ଚକ୍ରବର୍ତ୍ତୀ

ମୁମ୍ବାଇ ୦୬।୦୯: ସୁଶାନ୍ତ ସିଂହ ରାଜପୁତ ହତ୍ୟା ମାମଲାରେ ଡ୍ରାଗ୍ସ ମାମଲା ସାମ୍ନାକୁ ଆସିବା ପରଠାରୁ ଅଭିନେତ୍ରୀ ରିୟା ଦିନକୁ ଦିନ ଛନ୍ଦି ହେଉଥିବାର ଦେଖିବାକୁ ମିଳିଛି । ଶୁକ୍ରବାର ଦିନ ଏନ୍‌ସିବି ରିୟାଙ୍କ ଭାଇ ସୌଭିକ ଓ ସୁଶାନ୍ତଙ୍କ ହାଉସ୍‌ ମ୍ୟାନେଜର ସାମ୍ୟୁଏଲ୍‌ ମିରାଣ୍ଡାଙ୍କୁ ଗିରଫ କରିସାଇଛି । ସେହିପରି ଶନିବାର ଦିନ ଏହି ୨ଜଣଙ୍କୁ ଏନ୍‌ସିବି ସୁଶାନ୍ତଙ୍କ ଷ୍ଟାପ୍‌ ଦିପେଶ ସାଓ୍ୱନ୍ତଙ୍କ ମଧ୍ୟ ଗିରଫ କରିଛି ।

ସେହିପରି ଆଜି NCBରେ ହାଜର ହେବେ ସୁଶାନ୍ତଙ୍କ ପ୍ରେମିକା ରିୟା ଚକ୍ରବର୍ତ୍ତୀ । ଭାଇ ସୌଭିକ ଚକ୍ରବର୍ତ୍ତୀ ଓ ଭଉଣୀ ରିୟାଙ୍କୁ ସାମ୍ନାସାମ୍ନି ଜେରା କରିବ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (NCB) । ସେହିପରି ମିଳିଥିବା ପ୍ରମାଣ ଆଧାରରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ ରିୟା ଚକ୍ରବର୍ତ୍ତୀଙ୍କୁ ବି ଗିରଫ କରିବା ସମ୍ଭାବନା ବଢ଼ିଛି । ଅନୁମାନ କରାଯାଉଛି ଆଜି ରିୟାଙ୍କୁ ଜେରା ପରେ ଡ୍ରଗ୍ସ କାରବାର ମାମଲାରେ NCB ଗିରଫ କରିପାରେ । ରିୟାଙ୍କ ଘରେ NCB ଟିମ୍ ପହଞ୍ଚିଛି‌ ।

ସେହିପରି ସୁଶାନ୍ତ ସିଂ ରାଜପୁତ ମାମଲାରେ ରିୟା ଚକ୍ରବର୍ତ୍ତୀଙ୍କ ଭାଇ ସୌଭିକ ଚକ୍ରବର୍ତ୍ତୀ ଏବଂ ସାମୁଏଲ୍ ମିରାଣ୍ଡାଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ୪ ଦିନିଆ ରିମାଣ୍ଡରେ ନେଇ ପଚରାଉଚରା କରିଛି । ସୁଶାନ୍ତଙ୍କ ବ୍ୟକ୍ତିଗତ ସହାୟକ ଦୀପେଶ ସାୱନ୍ତଙ୍କୁ ମଧ୍ୟ ଗିରଫ କରି ସାରିଛି NCB । ଏନସିବି ଏହି ଘଟଣାରେ ବର୍ତ୍ତମାନ ସୁଦ୍ଧା ୭ ଜଣଙ୍କୁ ଗିରଫ କରିସାରିଲାଣି। ଯେଉଁଥିରେ ରିୟାଙ୍କ ଭାଇ ଓ ସାମୁଏଲ ସହିତ ଅନ୍ୟ ଡ୍ରଗ ଡିଲରମାନେ ଅଛନ୍ତି। ନିଶା କାରବାର ଅଭିଯୋଗରେ ଗିରଫ ହୋଇଥିବା କୈଜାନ ଇବ୍ରାହିକୁ ବେଲ୍ ମିଳି ସାରିଛି।

from Prameya News7 https://ift.tt/3byKu8w