ଭୁବନେଶ୍ୱର: ବିନା ଡ୍ରାଇଭରରେ ଗଡ଼ିଲା ଟ୍ରକ୍ ! ମାଟି ବୋଝେଇ ଟ୍ରକ୍ଟି ବିନା ଡ୍ରାଇଭରରେ ବିପଜ୍ଜନକ ଭାବେ ପ୍ରାୟ ୬୦୦ ମିଟର ଯାଏ ଗଡ଼ିଥିବା ଦେଖିବାକୁ ମିଳିଥିଲା। ଭୁବନେଶ୍ୱର ଆଚାର୍ଯ୍ୟବିହାରରେ ଗତକାଲି ରାତିରେ ଏଭଳି କିଛି ଘଟଣା ଦେଖିବାକୁ ମିଳିଛି।
ଆଚାର୍ଯ୍ୟବିହାର ନିକଟ ଓଭର ବ୍ରିଜ ଉପରେ ମହାରାଜା ସିନେମା ହଲ୍ ସାମ୍ନାରେ ମାଟି ବୋଝେଇ ଟ୍ରକ୍ଟି ଛିଡ଼ା ହୋଇଥିଲା। ସେହି ସମୟରେ ଟ୍ରକ୍ରେ ଡ୍ରାଇଭର ମଧ୍ୟ ନ ଥିଲେ। ଏହି ସମୟରେ ଆଚାର୍ଯ୍ୟବିହାର ଆଡୁ ଆସୁଥିବା ଅନ୍ୟ ଏକ ଟ୍ରକ୍ ଏମିତି ଧକ୍କା ଦେଲା ଯେ, ଛିଡ଼ା ହୋଇଥିବା ଟ୍ରକ୍ଟି ଓଭର ବ୍ରିଜରେ ହିଁ ମହାରାଜା ସିନେମା ହଲ୍ ସାମ୍ନାରୁ ସହିଦ ନଗର ଥାନା ପର୍ଯ୍ୟନ୍ତ ବିନା ଡ୍ରାଇଭରରେ ପ୍ରାୟ ୬୦୦ ମିଟର ଯାଏ ଗଡ଼ିଥିଲା।
ଦୁର୍ଘଟଣା ଘଟାଇଥିବା ଟ୍ରକ୍ର ଡ୍ରାଇଭର ଗୁରୁତର ଆହତ ହୋଇଛନ୍ତି। ଏହାସହ ଟ୍ରକ୍ର ସମ୍ମୁଖ ଭାଗ ମଧ୍ୟ ସମ୍ପୂର୍ଣ୍ଣ ଭାବରେ କ୍ଷତିଗ୍ରସ୍ତ ହୋଇଛି। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରିବା କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲେ।
The post ବିନା ଡ୍ରାଇଭରରେ ଆପେଆପେ ଗଡ଼ିଲା ଟ୍ରକ୍ ! appeared first on OTV Khabar..
from OTV Khabar. https://ift.tt/3hcXPWD
No comments: