ନୂଆଦିଲ୍ଲୀ: ହରିୟାଣାର ଲୋକପ୍ରିୟ ଡାନ୍ସର ତଥା ଗାୟିକା ସପନା ଚୌଧୁରୀଙ୍କ କାର୍ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାଗ୍ରସ୍ତ ହୋଇଥିବା ତାଙ୍କ କାର୍କୁ ଦେଖିଲେ ଅନୁମାନ କରି ହେଉଛି ଯେ, ଦୁର୍ଘଟଣାଟି କେତେ ଭୟଙ୍କର ଥିଲା। ତେଣୁ ଏକ ବଡ଼ ଧରଣର ସଡ଼କ ଦୁର୍ଘଟଣାରୁ ଅଳ୍ପକେ ସେ ବର୍ତ୍ତି ଯାଇଥିବା କୁହାଯାଉଛି। ଗୁରୁଗ୍ରାମର ହିରୋ ହୋଣ୍ଡା ଛକରେ ଏହି ଦୁର୍ଘଟଣା ଘଟିଥିଲା।
ସୂଚନା ଅନୁସାରେ, ଶପିଂ ସାରି ସପନା, ସୋହନା ରୋଡ୍ରେ ଘରକୁ ଫେରୁଥିଲେ। ଏହି ସମୟରେ ଦ୍ରୁତ ବେଗରେ ଏକ କାର୍ ଆସି ତାଙ୍କ(ସପନା) କାର୍ରେ ପିଟି ହୋଇଯାଇଥିଲା। ଫଳରେ ଧଳା ରଙ୍ଗର ତାଙ୍କର ଏହି କାର୍ଟିର ପଛପଟ ଭାଗ ଅଧିକ କ୍ଷତିଗ୍ରସ୍ତ ହୋଇଥିବା ବେଳେ ସମ୍ମୁଖ ଭାଗ ମଧ୍ୟ କ୍ଷତିଗ୍ରସ୍ତ ହୋଇଛି। ତେବେ ଏନେଇ ଥାନାରେ କୌଣସି ମାମଲା ରୁଜୁ କରି ନାହାନ୍ତି।
ସୂଚନାଥାଉ କି, ଗତ କିଛିଦିନ ଧରି ବିବାହ ଓ ବର୍ଥ ଡେ’ ପ୍ରୋଗ୍ରାମରେ ସପନା ପର୍ଫର୍ମ କରୁଥିବା ଦେଖିବାକୁ ମିଳିଛି। କିଛିଦିନ ତଳେ ୟୁପିର ମୁରାଦାବାଦରେ ବିଜେପି ବିଧାୟକଙ୍କ ଜନ୍ମଦିନ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ସପନା ଧମାକାଦାର ଡାନ୍ସ କରିଥିଲେ।
from OTV Khabar. https://ift.tt/2sv1fj5
No comments: