ଜଙ୍ଗଲ ରାସ୍ତାରେ ପୁଲିସ ଓ ଅପରାଧୀ ମୁହାଁମୁହିଁ; ଏନ୍‌କାଉଣ୍ଟର୍‌ରେ ୪ ଜଣ ଦୁର୍ଦ୍ଦାନ୍ତ ଅପରାଧୀ ଆହତ OTV KHABAR BUREAU

ଝାରସୁଗୁଡ଼ା: ବ୍ରଜରାଜନଗର ପୁଲିସର ଏନ୍‌କାଉଣ୍ଟର। ମଧୂପୁର ଜଙ୍ଗଲ ରାସ୍ତାରେ ପୁଲିସ ଓ ଅପରାଧୀ ମଧ୍ୟରେ ଗୁଳି ବିନିମୟ ହୋଇଛି। ଏଥିରେ ୪ ଜଣ ଦୁର୍ଦ୍ଦାନ୍ତ ଅପରାଧୀ ଆହତ ହୋଇଛନ୍ତି। ଆହତ ଅପରାଧୀ ହେଲେ ଅନନ୍ତ ଧଳ, ରଫିକ୍ ଅନ୍ସାରୀ, ଶୈଳେନ୍ଦ୍ର ପାତ୍ର ଓ ନିକି ସିଂ।

ସେମାନଙ୍କୁ ଝାରେସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଗୁଳି ବିନିମୟରେ ଗାନ୍ଧି ଛକ ଫାଣ୍ଡି ଅଧିକାରୀ ଚୂଡ଼ାମଣି ମହାନନ୍ଦ ମଧ୍ୟ ଆହତ ହୋଇଛନ୍ତି।

ଗତକାଲି ରାତିରେ ବ୍ରଜରାଜନଗର ମୁଖ୍ୟ ବଜାରରେ ଦୁର୍ବୃତ୍ତଙ୍କ ଗୁଳିମାଡ଼ରେ ମଣ୍ଟୁ ଘୋଷ ନାମକ ଜଣେ ଯୁବକଙ୍କ ମୃତ୍ୟୁ ହୋଇଥିଲା। ସେହି ଅପରାଧୀଙ୍କୁ ଧରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ାଉ କରିଥିଲା। ଚଢାଉ କରିବା ବେଳେ ମଧୁପୁର ଜଙ୍ଗଲ ରାସ୍ତାରେ ପୁଲିସ ସହିତ ଅପରାଧୀଙ୍କର ମୁହାଁମୁହିଁ ହୋଇଥିଲା। ଅପରାଧୀମାନେ ପ୍ରଥମେ ପୁଲିସ ଉପରକୁ ଗୁଳି ଚଳାଇଥିଲୋ ପରେ ପାଲଟା ଗୁଳିରେ ୪ ଜଣ ଦୁର୍ଦ୍ଦାନ୍ତ ଅପରାଧୀ ଆହତ ହୋଇଛନ୍ତି। ଗତ ରାତିରେ ମଣ୍ଟୁ ଘୋଷକୁ ଦୁର୍ବୃତ୍ତ ଫାୟାରିଂ କରିଥିବା ବେଳର ସିସିଟିଭି ଭିଜୁଆଲ ହସ୍ତଗତ ହୋଇଛି।

 

from OTV Khabar. https://ift.tt/34DcLX9