ଷ୍ଟେସନ ନିକଟରୁ କାଠ କୋଇଲା ଜବତ: ଆନୁମାନିକ ମୂଲ୍ୟ ୨ ଲକ୍ଷରୁ ଟଙ୍କାରୁ ଅଧିକ

ଚୌଦ୍ୱାର ୭।୧୧ : କଟକ ଜିଲ୍ଲା ଚୌଦ୍ୱାର  ଥାନା ଚାରବାଟିଆ ଷ୍ଟେସନ ନିକଟରୁ ବିପୁଳ ପରିମାଣର କାଠ କୋଇଲା ଜବତ କରିଛି ବନ ବିଭାଗ । ବେଆଇନ ଭାବେ କାଠ କୋଇଲା ଗଚ୍ଛିତ ହୋଇ ରହିଥିଲା ।

ସୂଚନାଯୋଗ୍ୟ ଯେ,  ଚାରବାଟିଆ  ଷ୍ଟେସନ ନିକଟରେ ଥିବା ଏକ ଘରୁ   ବିପୁଳ ପରିମାଣର କାଠ କୋଇଲା ଜବତ କରିଛି ବନ ବିଭାଗ । ବେଆଇନ ଭାବେ  ଗଛିତ ଥିବାର ଖବର ପାଇ ଚୌଦ୍ୱାର  ବନପାଳ ଜ୍ୟୋତି ରଞ୍ଜନ ମହାପାତ୍ର ଚଢ଼ାଉ କରିଥିଲା । ଚଢାଉରେ  ଘର ଭିତରେ ଥିବା ପ୍ରାୟ ୨୦ ବସ୍ତା କାଠ କୋଇଲା ଜବତ ହୋଇଛି । ଜବତ କୋଇଲାର  ଆନୁମାନିକ ମୂଲ୍ୟ ଦୁଇ ଲକ୍ଷ ଟଙ୍କା ରୁ ଅଧିକ ହେବ ବୋଲି ଜଣାପଡିଛି ।

ଟ୍ରେନ ଯୋଗେ କାଠ କୋଇଲା  କଟକ, ଭୁବନେଶ୍ୱର, ଜଟଣୀକୁ ଚାଲାଣ କରାଯିବା ପାଇଁ ଏଠାରେ ଗଚ୍ଛିତ ରଖିଥିବାର  ଜଣା ପଡ଼ିଛି ।ଏହି ବେଆଇନ କାରବାର  ପଛରେ ଏକ ବଡ଼ ରାକେଟ କାମ କରୁଥିବାର ସୂଚନା ମିଳିଛି । ରେଳ ବାଇର କିଛି କର୍ମଚାରୀ  ମଧ୍ୟ  ସାମିଲ ଥିବାର ସନ୍ଦେହ କରା ଯାଉଛି।

from Prameya News7 https://ift.tt/2pEGIr2