ମା’ଙ୍କ ଆଗମନରେ ମାୟାନଗରୀରେ ବି ସେଲିବ୍ରିସନର ମାହୋଲ । ପୂଜାମଣ୍ଡପରେ ଏକାଠି ହେଲେ କାଜୋଲ, ପ୍ରିୟଙ୍କା ଓ ରାଣୀଙ୍କ ସହ ନାମୀଦାମୀ କଳାକାର Kanak News

ସବୁଠି ଦେଖିବାକୁ ମିଳିଛି ଦଶହରାର ଧୁମ୍ । ଏଥିରୁ ବାଦ୍ ପଡିନି ମାୟାନଗରୀ ମୁମ୍ୱାଇ । ବାଦ୍ ପଡିନାହାନ୍ତି ବଡପରଦା ଓ ଛୋଟ ପରଦାର କଳାକାର । ମଣ୍ଡପରେ ମାଆଙ୍କ ସୁସଜ୍ଜିତ ସାଜସଜ୍ଜା ଓ ତୋରଣର ଆକର୍ଷଣରେ ଟାଣି ହୋଇ ଆସିଛନ୍ତି ବଲିଉଡର ବିଭିନ୍ନ ସେଲିବ୍ରିଟି । ପ୍ରିୟଙ୍କା ଚୋପ୍ରାଙ୍କ ଠାରୁ ଆରମ୍ଭ କରି କାଜୋଲ୍, ରାଣୀ ମୁଖାର୍ଜୀଙ୍କୁ ଦେଖିବାକୁ ମିଳିଛି ପୂଜା ମଣ୍ଡପରେ ।

ମାଆଙ୍କ ନିକଟରେ ପହଁଚି ପୂଜାର୍ଚନା କରିବା ସହ ସମସ୍ତଙ୍କ ଶୁଭ ମନାସିଛନ୍ତି ସଭିଏ । ଏହି ଅବସରରେ କପିଲ୍ ନାଇଟ୍ ସୋର ଫେମ୍ ସୁମନାଙ୍କୁ ବି ଦେଖିବାକୁ ମିଳିଥିଲା ମଂଚରେ । ଏହି ଅବସରରେ ନାଚ ଗୀତ ସହିତ ଭୋଜିର ଆସର ଜମି ଥିଲା । ଯାହାର ମଜା ନେଇଥିଲେ ଶହ ଶହ ଜନତା । ବଲିଉଡ୍ କଳାକାରଙ୍କ ସମେତ ଟିଭି ସିରିଏଲ୍ ଜଗତର ଅନେକ ପ୍ରସିଦ୍ଧ କଳାକାରଙ୍କୁ ବି ଦେଖିବାକୁ ମିଳିଥିଲା ଏହି ମଂଚରେ । ସମସ୍ତେ ଏକାଠି ହୋଇ ମାଆଙ୍କ ଆବାହନ କରିବା ସହିତ ନାଚ ଗୀତର ବେଶ୍ ମଜା ଉଠାଇଥିଲେ ।

from Kanak News https://ift.tt/2OrCI6Y https://ift.tt/2IsAwbK