ଭୁବନେଶ୍ୱର : ପୁରୀରୁ ପ୍ରାର୍ଥୀ ହୋଇପାରନ୍ତି ନରେନ୍ଦ୍ର ମୋଦି। ୨୦୧୯ ମସିହାରେ ପୁରୀରୁ ନିର୍ବାଚନ ଲଢ଼ିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏନେଇ ପଶ୍ଚିମବଙ୍ଗ ବିଜେପି ମୁଖ୍ୟ ଦିଲୀପ ଘୋଷ ସୂଚନା ଦେବାପରେ ଅାଲୋଚନା ଘନେଇଛି। ସେପଟେ ଅମିତ ଶାହଙ୍କୁ ପଶ୍ଚିମବଙ୍ଗରୁ ଦଳ ପ୍ରାର୍ଥୀ କରିପାରେ ବୋଲି ଚର୍ଚ୍ଚା ହେଉଛି।
ମୋଦି ଓଡ଼ିଶାରୁ ନିର୍ବାଚନ ଲଢ଼ିବା ନେଇ ପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ରଖାଯାଇଥିବା ପ୍ରଶ୍ନର ଉତ୍ତରରେ ପ୍ରତିକ୍ରିୟା ରଖିଥିଲେ ରାଜ୍ୟ ବିଜେପି ସଭାପତି ବସନ୍ତ ପଣ୍ତା। ସେ କହିଥିଲେ, ‘ଆମର ଆଗ୍ରହ ଅଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୀରୁ ପ୍ରାର୍ଥୀ ହୋଇ ନିର୍ବାଚନ ଲଢ଼ନ୍ତୁ’। ତେବେ ଏହାର ଚୂଡାନ୍ତ ନିଷ୍ପତ୍ତି ସଂସଦୀୟ ବୋର୍ଡ ନେବ ବୋଲି ସେ କହିଥିଲେ। ବିଜେପି ଓଡିଶାରେ ମିଶନ୍ ୧୨୦ ହାସଲ କରିବ। ଏଥିସହ ସଂଖ୍ୟା ଗରିଷ୍ଠତା ହାସଲ କରି ସରକାର ମଧ୍ୟ ଗଠନ କରିବ ବୋଲି ରାଜ୍ୟ ବିଜେପି ସଭାପତି କହିଥିଲେ।
ରାଜ୍ୟ ବିଜେପି ସଭାପତି ବସନ୍ତ ପଣ୍ତାଙ୍କ ଏହି ପ୍ରତିକ୍ରିୟା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୀରୁ ପ୍ରାର୍ଥୀ ହୋଇ ନିର୍ବାଚନ ଲଢିବେ ବୋଲି ଅନେକ କଳ୍ପନାଜଳ୍ପନା ଲାଗିରହିଥିଲା। ଆଉ ଏହା ଓଡ଼ିଶା ରାଜନୀତିରେ ଆଲୋଚନାର ବିଷୟ ପାଲଟିଥିଲା। ଅନେକ ଆଶା ଓ ଆଶଙ୍କା ଭିତରେ ମଧ୍ୟ ଏ କଥା ଏବେ ସୁଦ୍ଧା ରହିଥିଲା।
ହେଲେ ଆଜି ପଶ୍ଚିମବଂଗ ବିଜେପି ମୁଖ୍ୟ ଦିଲୀପ ଘୋଷ ସୂଚନା ଦେବାପରେ ଏ ଆଲୋଚନା ବାସ୍ତବରେ ପରିଣତ ହେବାର ସଂକେତ ଦେଇଛି।
from OTV Khabar https://ift.tt/2qK1IJL
No comments: