ଘାସ କାଟୁଥିବା ବେଳେ ହେଲା ବଜ୍ରପାତ, ସେହିଠାରେ ଟଳି ପଡ଼ିଲେ ଅଙ୍କୁରା

ଆନନ୍ଦପୁର, ୦୩/୧୦: ଆନନ୍ଦପୁର ଉପଖଣ୍ଡ ଘଷିପୁରା ଥାନା ଅଧିନ ପଦନପୁର ଗ୍ରାମରେ ବଜ୍ରପାତ କାରଣରୁ  ଜଣେ ଚାଷୀଙ୍କ ଜୀବନ ଯାଇଛି । ପଦନପୁର ଗାଁର ଅଙ୍କୁରା ଦାସ ଆଜି ଦିନ ୪ଟା ସମୟରେ ନିଜ ଧାନ କ୍ଷେତରେ ଘାସ କାଟୁଥିଲେ । ଏହି ସମୟରେ ପ୍ରାୟ ଦୀର୍ଘ ସମୟଧରି ଘଡଘଡି ସହ ବିଜୁଳି ମାରିଥିଲା । ଅଙ୍କୁରାଙ୍କୁ ଉପରକୁ ବିଜୁଳି ମାରିବାରୁ ସୋହିଠାରେ ସେ ଟଳି ପଡିଥିଲେ ।

ସନ୍ଧ୍ୟା ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ଲୋକେ ତାଙ୍କୁ ଖୋଜା ଖୋଜି କରିଥିଲେ । ଧାନ କ୍ଷେତରୁ ମୁର୍ମୁଷ ଅବସ୍ଥାରେ ସେ ଉଦ୍ଧାର ହୋଇଥିଲେ । ପରେ ତାଙ୍କୁ ୧୦୮ ଆମ୍ବୁଲାନ୍ସରେ ଆନନ୍ଦପୁର ଡାକ୍ତରଖାନା ପହଁଞ୍ଚାଇଥିଲେ ପରିବାର ଲୋକେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

from Prameya News7 https://ift.tt/2WCfvpb