ବୁଦା ଭିତରୁ ମହିଳାଙ୍କ ଉଲଗ୍ନ ମୃତ ଦେହ ଉଦ୍ଧାର, ଧର୍ଷଣ ପରେ ହତ୍ୟା କରାଯାଇଥିବା ସନ୍ଦେହ

ସୁନ୍ଦରଗଡ଼, ୦୨/୧୦: ସବଡେଗା ଡମକୁଡ଼ା ନଦୀ କୂଳରେ ଥିବା ଏକ ବୁଦା ମୂଳରୁ ପୋଲିସ ମହିଳାଙ୍କ ଉଲଗ୍ନ ଅବସ୍ଥାରେ ମୃତଦେହ ଉଦ୍ଧାର କରିଛି । ଘଟଣା ବିଷୟରେ ଶୁଣି ଆଖ ପାଖ ଲୋକ ମାନେ ଦେଖିବାକୁ ଯାଇ ମହିଳାକୁ ଚିହ୍ନି ଥିଲେ । ମହିଳା ଜଣକ ସବଡେଗା ଟୁଙ୍ଗୁରିପଡାର କମଲା କମାର ବୋଲି ଜଣାପଡିଛି । କମଳାଙ୍କ ବୟସ ୪୫ ବର୍ଷ ।

କେତେକ ମହିଳା ସକାଳ ୧୨ ଟା ସମୟରେ ନଦୀରେ ଗାଧାଉ ଥିବାବେଳେ ସବଡେଗାର ଏକ ଯୁବକ ସ୍କୁଟିରେ କମଲାଙ୍କୁ ବସାଇ ନଦୀକୂଳକୁ ଆଣିଥିଲେ । ଯୁବକ ସ୍କୁଟି ଛିଡା କଲାବେଳକୁ କମଲା ସ୍କୁଟିରୁ ଓଲ୍ଲାଇ ଦଉଡ଼ି ପଳାଇଲା ବେଳକୁ ଯୁବକ ତାଙ୍କ ପଛରେ ଦୌଡ଼ୁଥିବାର କେତେକ ମହିଳା ଦେଖିଥଲେ । ମହିଳାଙ୍କୁ ସେହି ଯୁବକ ଧର୍ଷଣ କରି ହତ୍ୟା କରିଥିବାର ସନ୍ଦେହ କରାଯାଉଛି । ସନ୍ଧ୍ୟା ୬ଟା ସମୟରେ ସାଇଣ୍ଟିଫିକ ଦଳ ଓ ତଲସରା ପୋଲିସ ପହଞ୍ଚି ଶବକୁ ବୁଦା ମୂଳରୁ ବାହାର କରି  ତଦନ୍ତ କରୁଛି । ମୁହଁରେ ଅନେକ କ୍ଷତ ବିକ୍ଷତ ଚିହ୍ନ ଦେଖିବାକୁ ମିଳିଥିଲା । ଖବରପାଇ ତାଙ୍କର ଦୁଇ ପୁଅ ଦୁଇ ଝିଅ ଘଟଣା ସ୍ଥଳରେ ପହଞ୍ଚିଥିଲେ । ମୃତଦେହ ବ୍ୟବଛେଦ କରିବାକୁ ପୋଲିସ ସୁନ୍ଦରଗଡ ଡାକ୍ତରଖାନାକୁ ପଠାଇଥିବା ବେଳେ ପୋଲିସ ଘଟଣାର ଅଧିକ ତଦନ୍ତ ଚଲାଇଥିବା ଜଣାପଡ଼ିଛି ।

from Prameya News7 https://ift.tt/3BbRLYg