ଭୟଙ୍କର ଅଗ୍ନିକାଣ୍ଡରେ ଜଳିଗଲା ୧୩ ବଖରା ଘର, ପାଉଁଶ ହୋଇଗଲା ୩୦ ହଜାର ଟଙ୍କା

ସୋର,୦୨/୦୪:  ଜଳିଗଲା ୧୩ ବଖରା ଘର l ନଗଦ ୩୦ ହଜାର ଟଙ୍କା ଶହ ୫ ଲକ୍ଷ ଟଙ୍କାର ସମ୍ପତି ମଧ୍ୟ ପୋଡି ପାଉଁଶ l ଏପରି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ସୋର ଥାନା ନଦିଗାଁ ଗ୍ରାମରେ ।

ସୂଚନାନୁସାରେ, ଗ୍ରାମରେ ଅଗ୍ନିକାଣ୍ଡ ଘଟି ରମାକାନ୍ତ ମିଶ୍ର ,ବସନ୍ତ ମିଶ୍ର, ସୁଶାନ୍ତ ମିଶ୍ର, ପ୍ରଶାନ୍ତ ମିଶ୍ର, ହେମନ୍ତ ମିଶ୍ର, ରମାକାନ୍ତ ମିଶ୍ର, ଲମ୍ବୋଦର ପଣ୍ଡାଙ୍କର ୨ ବଖରା ଲେଖାଏଁ ପୋଡ଼ିଯାଇଛି । ଏହାସହ ବଅଭୟ ମିଶ୍ର, ପ୍ରତିଭା ସାମଲଙ୍କର ଗୋଟିଏ ବଖରା ନିଆଁରେ ପୋଡିଯିବା ସହିତ ସମସ୍ତଙ୍କର ଧାନ,ଚାଉଳ ଓ ଘରର ସମସ୍ତ ଆସବାବ ପତ୍ର ପୋଡ଼ି ନଷ୍ଟ ହୋଇଯାଇଛି l

ଏହାସହ ଘର ନିର୍ମାଣ ପାଇଁ ରମାକାନ୍ତ ରଖିଥିବା ୩୦ ହଜାର ଟଙ୍କା ପୋଡି ପାଉଁଶ ହୋଇଯାଇଛି l ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବା ବେଳେ ସୋର ଦମକଳ ପହଞ୍ଚି ନିଆଁକୁ ଆୟତ୍ତ କରିଥିବା ସୂଚନା ମିଳିଛି ।

from Prameya News7 https://ift.tt/3sLK0DR