ରୋଷେଇ କଲା ବେଳେ ଫାଟିଗଲା ଗ୍ୟାସ୍ ଟାଙ୍କି, ଅଳ୍ପକେ ବର୍ତ୍ତିଲା ପୁରା ପରିବାର

ପାଟଣା, ୦୨|୦୪ : କେନ୍ଦୁଝର ଜିଲ୍ଲା ପାଟଣା ବ୍ଲକ ରାଜନଗର ଗ୍ରାମର ବଡ଼ଦାଣ୍ଡ ସାହିରେ ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ପୁରା ପରିବାର । ଗାଁରେ ଥିବା ପ୍ରଭାତ ରଣାଙ୍କ ପାରିବାର ଅଳ୍ପକେ ବର୍ତ୍ତିଯାଇଛନ୍ତି।

ସୂଚନାନୁସାରେ, ଗୁରୁବାର ରାତି ପ୍ରାୟ ୮ ସମୟରେ ପ୍ରଭାତଙ୍କ ସ୍ତ୍ରୀ ଚିନ୍ମୟୀ ରଣା ରୋଷେଇ କରୁଥିଲେ । ଏଙି ସମୟରେ ହଠାତ ଗ୍ୟାସ ଟାଙ୍କି ଫାଟି ଯାଇଥିଲା । ଫଳରେ ଗ୍ୟାସ ଟାଙ୍କିରେ ନିଆଁ ଲାଗିଯାଇଥିଲା । ତେବେ ଗ୍ରାମର କିଛି ଯୁବକଙ୍କ ଉପସ୍ଥିତ ବୁଦ୍ଧି ଯୋଗୁଁ ଏକ ବଡ଼ ଧରଣର ଦୁର୍ଘଟଣା ଟଳିଯାଇଛି ।

ଏପରିକି ଟାଙ୍କିଟି ଫାଟିବା ପରେ ହୁ ହୁ ହୋଇ ଜଳୁଥିଲା । ଏହି ସମୟରେ ଯୁବ ସାମ୍ବାଦିକ ଅଞ୍ଜନ ରଣା,  ସଦାନନ୍ଦ ପାଣିଗ୍ରାହୀ, ବସନ୍ତ ମିଶ୍ର, ଧୀରେନ ଚକ୍ର ରୋଷେଇ ଘର ଭିତରୁ ଗ୍ୟାସ ଟାଙ୍କିକୁ ବାହାରକୁ ଆଣି  ପାଣି ଦ୍ୱାରା ନିଆଁକୁ ଲିଭାଇଥିଲେ ।ଯୁବକଙ୍କ ସାହସିକତା ଯୋଗୁଁ ଏକ ବଡ଼ ଦୁର୍ଘଟଣାରୁ ଗୋଟିଏ ପରିବାର ନୂଆ ଜୀବନ ପାଇଥିବା ଚର୍ଚ୍ଚା ହେଉଛି ।

from Prameya News7 https://ift.tt/2Prl2ve