- ୭ ଦିନ ପରେ ଚାଲିଲା ଏମ୍ବି ଏଭର ଗିଭେନ୍
- ସୁଏଜ କେନାଲରେ ଫସିଥିବା କାର୍ଗୋ ଜାହାଜ ଉଦ୍ଧାର
- ଜାହାଜରେ ଥିଲା ୨ ଲକ୍ଷ ୨୦ ହଜାର ଟନ୍ର ଜିନିଷ
- ୧୦ଟି ଟଗ୍ ବୋଟ୍ ଜରିଆରେ ସିଧା ହେଲା ଜାହାଜ
୭ ଦିନର ପରିଶ୍ରମ ପରେ ଚାଲିଲା ସୁଏଜ କେନାଲରେ ଫସିଥିବା ବିଶାଳ କାର୍ଗୋ ଜାହାଜ । ଏହି କାର୍ଗୋ ଜାହାଜକୁ ବିଶ୍ୱର ସବୁଠାରୁ ବଡ ମାଲବାହୀ ଜାହାଜ ରୂପେ ବିବେଚନା କରାଯାଏ | ‘EVERGREEN’ ନାମକ ଜାହାଜ ଏସିଆ ଏବଂ ୟୁରୋପ ମଧ୍ୟରେ ଚଳପ୍ରଚଳ କରେ । ୪୦୦ ମିଟର ଲମ୍ବା ଓ ୫୯ ମିଟର ଓସାରର ଏହି ବିଶାଳକାୟ ଜାହାଜକୁ ବହୁ କଷ୍ଟରେ ଉଦ୍ଧାର କରାଯାଇଛି । ଜାହାଜ ଉପରେ ୨ ଲକ୍ଷ ୨୦ ହଜାର ଟନରୁ ଅଧିକ ଓଜନର ଜିନିଷ ରହିଥିଲା । ଫଳରେ ଜାହାଜକୁ ସିଧା କରିବା ବଡ ଧରଣର ଚ୍ୟାଲେଞ୍ଜ ପାଲଟିଥିଲା ।
ଜାହାଜକୁ ଉଦ୍ଧାର ପାଇଁ ୧୦ଟି ଟଗ୍ ବୋଟ୍ ବ୍ୟବହାର କରାଯାଇଥିଲା । ଟଗ୍ ବୋଟ୍ ଗୁଡିକ ପାଣି ଭିତରେ ବିଶାଳ ଜାହାଜକୁ ଟାଣି ଟାଣି ସିଧା କରିଥିଲେ । ଏହାପରେ ନିଜ ଗନ୍ତବ୍ୟ ସ୍ଥଳରେ ଗତି କରିବା ଆରମ୍ଭ କରିଛି ବିଶ୍ୱର ସବୁଠାରୁ ବଡ ମାଲବାହୀ ଜାହାଜ । ଗତ ୨୩ ତାରିଖରେ ଚୀନରୁ ନେଦରଲାଣ୍ଡର ରୋଟେରଡମ୍ ଯାଉଥିବା ଏହି ଜାହାଜ ପ୍ରବଳ ବେଗରେ ପବନ ଯୋଗୁଁ ଗୋଟିଏ ଦିଗକୁ ବୁଲି ପଡିଥିଲା । ଫଳରେ ସୁଏଜ କେନାଲ ଅବରୋଧ ହୋଇଯାଇଥିଲା । ବିଶାଳ ଜାହଜ କେନାଲ ମୁହାଁଣରେ ବଙ୍କା ହୋଇ ଲାଗି ରହିବା କାରଣରୁ ସେହି କେନାଲ ଦେଇ ଯିବାକୁ ଅନ୍ୟ ଜାହଜ ଗୁଡ଼ିକୁ ଆଗକୁ ବଢିବାକୁ ଦିଗ ମିଳୁନଥିଲା । ଏହି କାର୍ଗୋ ଜାହାଜ ପାଇଁ ୩୬୭ ଟି ଅନ୍ୟ ଛୋଟ ବଡ ଜାହାଜ ଫସି ରହିଥିଲେ । ଏବେ କାର୍ଗୋ ଜାହାଜ ପୁଣି ଚାଲିବା ଫଳରେ ଅନ୍ୟ ଜାହାଜ ଗୁଡିକର ପଥ ପରିଷ୍କାର ହୋଇଯାଇଛି ।
Stranded container ship blocking the Suez Canal was re-floated on Monday and is currently being secured, reports Reuters quoting Inch Cape Shipping Services
— ANI (@ANI) March 29, 2021
ସୂଚନାଯୋଗ୍ୟ ଏହି ବିଶାଳ ଜାହାଜର ଅଟକି ରହିବା ଫଳରେ ଭାରତୀୟ ବାଣିଜ୍ୟ ଉପରେ ମଧ୍ୟ ପ୍ରଭାବ ପକାଉଥିଲା । ଏହି ସଙ୍କଟର ମୁକାବିଲା ପାଇଁ ସରକାର ଏକ କାର୍ଯ୍ୟ ଯୋଜନା ପ୍ରସ୍ତୁତ କରିଥିଲେ। ଅନ୍ୟ ଦେଶରୁ ଆମଦାନୀ-ରପ୍ତାନୀରେ ନିୟୋଜିତ ଭାରତୀୟ ମାଲ ପରିବହନ ଜାହାଜକୁ ସୁଆଜ୍ କେନାଲର ଜାମରୁ ବଞ୍ଚିବା ପାଇଁ କେପ୍ ଅଫ୍ ଗୁଡ୍ ହୋପ୍ (Cape of Good Hope) ଦେଇ ଯିବାକୁ ପରାମର୍ଶ ଦିଆଯାଇଥିଲା।
୭ ଦିନର ପରିଶ୍ରମ ପରେ ଚାଲିଲା ସୁଏଜ କେନାଲରେ ଫସିଥିବା କାର୍ଗୋ ଜାହାଜ ଉଦ୍ଧାର। ୪୦୦ ମିଟର ଲମ୍ବ ଓ ୫୯ ମିଟର ଓସାରର ଏହି ବିଶାଳକାୟ ଜାହାଜକୁ ବହୁ କଷ୍ଟରେ ଉଦ୍ଧାର କରାଯାଇଛି। #SuezCanal pic.twitter.com/XqaqRG7Dke
— ଓଟିଭି (@otvkhabar) March 30, 2021
The post ସୁଏଜ କେନାଲରେ ୬ ଦିନ ଧରି ଫସିଥିବା ଜାହାଜ ଉଦ୍ଧାର appeared first on OTV Khabar..
from OTV Khabar. https://ift.tt/3u5qAtX
No comments: