ବରଯାତ୍ରୀ ଗାଡି ସହ ଟ୍ରକ ମୁହାଁମୁହିଁ ଧକ୍କା, ଅନେକ ଆହତ

ସୋନପୁର ୨୬।୦୩: ବରଯାତ୍ରୀ ଗାଡି ସହ ଟ୍ରକ ମୁହାମୁହିଁ ଧକ୍କା । ବୋଲେରୋରେ ଯାଉଥିବା ୮ ବରଯାତ୍ରୀ ଆହତ ହୋଇଛନ୍ତି। ସମସ୍ତ ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ଖବର ଅନୁଯାୟୀ, ସୋନପୁର ଜିଲ୍ଲା ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ଝିଙ୍କି ନିକଟରେ ବରଯାତ୍ରୀ ଗାଡି ସହ ଟ୍ରକ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ୮ଜଣ ବରଯାତ୍ରୀ ଆହତ ହୋଇଥିବା ବେଳେ ସମସ୍ତଙ୍କୁ ଜିଲ୍ଲା ମୁଖ୍ୟ ଡାକ୍ତରଖନାରେ ଭର୍ତ୍ତି କରାଯାଇଛି । ଏମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ରହିଛି। ହରିନାପାଲି ଗାଁରୁ ପାଟଣାଗଡ଼କୁ ବରଯାତ୍ରୀ ଯାଇଥିଲେ ।

ସେଠାରୁ ଏକ ବୋଲେରୋରେ ଘରକୁ ଫେରୁଥିଲେ। ଫେରିବା ବେଳେ ଝିଙ୍କି ନିକଟରେ ସୋନପୁର ପଟୁ ଯାଉଥିବା ଏକ ଚାଉଳ ବୋଝେଇ ଟ୍ରକ ସହ ବୋଲେରୋ ମୁହାଁମୁହିଁ ଧକ୍କା ହୋଇଥିଲା । ସୋନପୁର ଦମକଳ ବାହିନୀ ଆହତଙ୍କୁ ଉଦ୍ଧାର କରି ମେଡିକାଲ ନେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।

from Prameya News7 https://ift.tt/2OYTRI5