ପାକିସ୍ତାନ ବେଲୁଚିସ୍ତାନରେ ବିସ୍ଫୋରଣ : ୪ ମୃତ, ୧୪ ଗୁରୁତର

କ୍ୱେଟା ୨୪l୩: ପାକିସ୍ତାନରେ ବେଲୁଚିସ୍ତାନରେ ଭୟଙ୍କର ବିସ୍ଫୋରଣରେ ୪ ଜଣଙ୍କ ମୃତ୍ୟୁ ହେବା ସହ ୧୪ରୁ ଅଧିକ ଆହତ ହୋଇଛନ୍ତି । ତେବେ କିଏ କାହିଁକି ଏହି ବିସ୍ଫୋରଣ କରିଛି ତାହା ଏଯାଏଁ ସ୍ପଷ୍ଟ ହୋଇନି । ଚମନ କସ୍ୱେରେ ଥିବା ଲେବିସ୍ ମୁଖ୍ୟାଳୟ ବାହାରେ ହୋଇଛି ଏହି ବିସ୍ଫୋରଣ । ଏଠାକାର ପୋଲିସ ଅଧିକାରୀଙ୍କ କହିବା ଅନୁସାରେ ନିକଟରେ ଥିବା ପୋଲିସ ଷ୍ଟେସନକୁ ଟାର୍ଗେଟ୍ କରି ମୋଟର ସାଇକେଲରେ ଖଞ୍ଜା ଯାଇଥିଲା ବମ୍ ।

ଏଇ ନିକଟ ଅତୀତରେ ପାକିସ୍ତାନ କରାଚିରେ ଏହିଭଳି ବିସ୍ଫୋରଣ ହୋଇଥିଲା । ଏହି ଧମାକାରେ ଜଣେ ଯବାନଙ୍କ ମୃତ୍ୟୁ ହେବା ସହ ୧୦ ଜଣ ଗୁରୁତର ହୋଇଥିଲେ । ତେବେ ଏହି ବିସ୍ଫୋରଣ ପାଇଁ ବଲୁଚ ଲିବେରସନ ପାର୍ଟି ନିଜକୁ ଦାୟୀ କରିଥିଲା । ସବୁଠାରୁ ବଡ ଆଶ୍ଚର୍ଯ୍ୟକର କଥା ହେଉଛି ଏ ବିସ୍ପୋରଣଟି ମଧ୍ୟ ମୋଟର ସାଇକେଲ ଦ୍ୱାରା କରାଯାଇଥିଲା ।

from Prameya News7 https://ift.tt/3lRRq5Z