ଶୋଇଥିବା ବେଳେ ଦଳିଦେଲା ଦନ୍ତା, ଦୁଇ ଜଣଙ୍କ ମୃତ୍ୟୁ

ସମ୍ବଲପୁର ୨୪।୩: ଦଳି ଦେଲା ଦନ୍ତା । ସମ୍ବଲପୁର ସଦର ରେଞ୍ଜ ଝାଙ୍କରପାଲି ସେକ୍ସନ କୁଢେନିଶା ଗାଁରେ ହାତୀ ଆକ୍ରମଣରେ ୨ ଜଣଙ୍କ ମୃତ୍ୟୁ ହୋଇଛି ।  ଝୋପଡି କୁଡିଆରେ ଶୋଇଥିବା ବେଳେ ଦୁଇ ଜଣଙ୍କୁ ହାତୀ ଦଳି ଦେଇଥିବା ସୂଚନା ମିଳିଛି । ତେବେ ହାତୀ ଦଳିଦେବା ପରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ ହସ୍ପିଟାଲ ନେବା ରାସ୍ତାରେ ଜଣଙ୍କର ମୃତ୍ୟୁ ଘଟିଛି । ଉଭୟ ମୃତକ ବରଗଡ ଅତାବିରା ବ୍ଲକ୍ ଜୁନେନ ଗାଁର ତେଲେଙ୍ଗା କୁଜୁର ଓ ହୀରାଲାଲ୍ ମିର୍ଦ୍ଧା  ବୋଲି ଜଣାପଡିଛି ।

ସେପଟେ ଝୋପଡି ଘରେ ୩ ଜଣ ଶୋଇଥିବାବେଳେ ଜଣେ ପ୍ରାଣ ବିକଳରେ ଦୌଡି ପଳାଇଥିଲେ । ଶ୍ୟାମ ସୁନ୍ଦର ମାଝି ନାମକ ଜଣେ ବ୍ୟକ୍ତି ଦୌଡି ପଳାଇବା ସହ ବଞ୍ଚିଯାଇଛନ୍ତି । ୩ ଜଣ ବାଉଁଶ କଟାଳି ଭାବେ କାମ କରୁଥିବାବେଳେ କାମ ସାରି ବିଶ୍ରାମ ନେଉଥିବାବେଳେ ଏହି ଅଘଟଣ ଘଟିଛି ।

from Prameya News7 https://ift.tt/3remfD6