ବାର୍ଡ ହିଲ୍‌ରେ ଲାଗିଲା ନିଆଁ, ଜଳିଗଲା ହଜାର ହଜାର ମୂଲ୍ୟବାନ ଗଛ

ପାଟଣା ୩୧।୩: କେନ୍ଦୁଝର ଜିଲ୍ଲା ପାଟଣା ରେଞ୍ଜ ଖିରେଇଟାଙ୍ଗିରି ସେକ୍ସନ ପଦ୍ମପୁର ସଂରକ୍ଷିତ ଜଙ୍ଗଲ ନିକଟ ଭାଲୁପାହାଡ଼ି ସ୍ଥିତ ବାର୍ଡ ହିଲରେ ନିଆଁ ଲାଗି ୧୦ ହେକ୍ଟର ପରିସୀମାରେ ଲଗା ଯାଇଥିବା ବିଭିନ୍ନ ପ୍ରଜାତିର ମୂଲ୍ୟବାନ ଗଛ ଜଳିପୋଡି ନଷ୍ଟ ହୋଇଛି। ବନ ବିଭାଗ ପକ୍ଷରୁ ନୂତନ ଜଙ୍ଗଲ ସୃଷ୍ଟି କରିବା ଉଦ୍ଦେଶ୍ୟରେ ଉକ୍ତ ବାର୍ଡ ହିଲରେ ଗଛ ଲଗାଯାଇଥିଲା ।

ଘଟଣାସ୍ଥଳରେ ଅଗ୍ନିଶମ ବାହିନୀ ଓ ବନ କର୍ମଚାରୀ ପହଞ୍ଚି ଦୀର୍ଘ ସମୟ ପରିଶ୍ରମ କରି ନିଆଁକୁ ଆୟତ୍ତ କରିଥିଲେ ହେଁ  ନିଆଁର ପ୍ରକୋପରେ ଗଛ ଜଳିପୋଡି ନଷ୍ଟ ହୋଇଯାଇଛି। ନିଆଁ ଲାଗିବାର କାରଣ ଅସ୍ପଷ୍ଟ ଥିବାବେଳେ ଉକ୍ତ ବନୀକରଣରେ ଦୁର୍ନୀତି ହୋଇଇଥିବା ପୂର୍ବରୁ  ଅଭିଯୋଗ ହୋଇ ଆସୁଥିଲା।  ଉକ୍ତ ଦୁର୍ନୀତି ଲୁଚାଇବାକୁ ଯାଇ ଜାଣିଶୁଣି ବନ ବିଭାଗ ନିଆଁ ଲଗାଇଛି ନା କେହି ଦୁର୍ବୃତ୍ତ ନିଆଁ ଲଗାଇଛି ଏହାର ଉଚ୍ଚ ସ୍ତରୀୟ ତଦନ୍ତ କରିବାକୁ ଅଞ୍ଚଳବାସୀ ଦାବି କରିଛନ୍ତି।

from Prameya News7 https://ift.tt/3fpSYD6