ସୋର,୨୩/୦୩ : ଯୁବକଙ୍କୁ ଗୋଡେଇ ଗୋଡେଇ ହାଣିଲେ । ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କଲା ପୋଲିସl ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା ନୂଆପୁର ପଞ୍ଚାୟତର ଦୁଇ ଗୋଷ୍ଠୀ ମଧରେ ପୂର୍ବ ଶତ୍ରୁତାରୁ ଘଟିଛି ଏଭଳି ସାଙ୍ଘାତିକ ଘଟଣା ।
ସୂଚନାନୁସାରେ, କଲ୍ୟାଣୀ ପଞ୍ଚାୟତ ଅରାଲା ଗ୍ରାମର ଗୋଟିଏ ଗୋଷ୍ଠିର ଯୁବକଙ୍କ ସହ ଶତ୍ରୁତା ଲାଗିଥିଲା। ସୋମବାର ଅପରାହ୍ଣରେ ଗୋପାଲପୁର ବଜାରରେ ଉଭୟ ଗୋଷ୍ଠୀଙ୍କ ବିବାଦ ପୁନର୍ବାର ଲାଗିଥିଲା। ପରେ ପରେ କେତେକ ଯୁବକ ମିଶି ପୂର୍ବ ଶତ୍ରୁତାକୁ ନେଇ ଅରାଲା ଗ୍ରାମର ପ୍ରଶାନ୍ତ ଦାସ ନାମକ ଯୁବକକୁ ଗୋପାଲପୁର ବଜାରରୁ ଅପହରଣ କରିନେଇଥିଲେ।
ବିଳମ୍ବିତ ରାତିରେ ଗୋପାଲପୁର ଓ ଖନ୍ତାପଡ଼ା ପୋଲିସ ଅପହରଣ ପ୍ରଶାନ୍ତକୁ ହାତୁଆଣିର ଏକ ପୋଲରୁ ଉଦ୍ଧାର କରିଥିଲେ। ପରେ ଗୋପାଲପୁର ଚିକିତ୍ସାଲୟରେ ପ୍ରାଥମିକ ଚିକିତ୍ସା କରିଥିଲେ। ଗୁରୁତର ପ୍ରଶାନ୍ତର ମୁଣ୍ଡ ,ଗୋଡ, ହାତକୁ ଦୁର୍ବୃତ୍ତ ମାନେ ହାଣିଦେଇଥିଲେ। ଅଧିକ ଚିକିତ୍ସା ପାଇଁ ବାଲେଶ୍ୱର ସଦର ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
from Prameya News7 https://ift.tt/3vZn1aL
No comments: