ହୁତୁହୁତୁ ହୋଇ ଜଳିଗଲା ୧୬ ଚକିଆ ଟ୍ରକ୍

ବଡ଼ବିଲ ୨୪।୦୨: ହୁତୁହୁତୁ ହୋଇ ଜଳିଗଲା ୧୬ ଚକିଆ ଟ୍ରକ୍ । କେନ୍ଦୁଝର ରୁଗୁଡ଼ି ଥାନା ଗୁଆଲି ଠାରେ ଥିବା JSW ଡି.ଟପ୍ ଖଣି ଗେଟ୍ ସମ୍ମୁଖରେ ଏହି ଅଘଟଣ ଘଟିଛି ।

ଖବର ଅନୁଯାୟୀ, ଖଣିରୁ ଲୋଡିଂ ପାଇଁ ଆସିଥିବା ୧୬ ଚକିଆ ଟ୍ରକ୍ ଖଣି ଗେଟ୍ ସମ୍ମୁଖରେ ଠିଆ ହୋଇଥିଲା । ସେହି ସମୟରେ ହଠାତ ଟ୍ରକଟି ଜଳିବାକୁ ଆରମ୍ଭ କରିଥିଲା । ଗତକାଲି ରାତି ପ୍ରାୟ ସାଢେ ୯ଟାରୁ ୧୦ଟା ମଧ୍ୟରେ ଏହି ଘଟଣା ଘଟିଛି। ଟ୍ରକ ଜଳୁଥିବା ଦେଖି ଦମକଳ ବାହିନୀକୁ ଖବର ଦିଆଯାଇଥିଲା । ସ୍ଥାନୀୟ ଲୋକଙ୍କ ସହାୟତାରେ ଦମକଳ ବାହିନୀ ନିଆଁ ଲିଭାଇଥିଲେ । ଡ୍ରାଇଭର, ଟ୍ରକ୍ କ୍ୟାବିନ ଭିତରେ ଷ୍ଟୋଭ ଲଗାଇ ରୋଷେଇ କରିବା ଯୋଗୁଁ ନିଆଁ ଲାଗିଥିଲା ନା ସର୍ଟ ସର୍କିଟ ଯୋଗୁଁ ଟ୍ରକ ଜଳିଗଲା ତାହା ସ୍ପଷ୍ଟ ହୋଇପାରିନାହିଁ।

from Prameya News7 https://ift.tt/3snoh4M