ଅଧରାତିରେ ବାଇକ୍ ପୋଡିଦେଲେ ଦୁର୍ବୃତ୍ତ, ପୂର୍ବ ଶତ୍ରୁତାରୁ ନିଆଁ ଲଗାଇଥିବା ସନ୍ଦେହ

ବାଲିପାଟଣା ୨୦।୨: ବିଳମ୍ବିତ ରାତିରେ ବାଇକ୍ ପୋଡି ଦେଲେ ଦୁର୍ବୃତ୍ତ । ନିଆଁ ଲାଗି ବାଇକ୍ ଟି କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି । ଏଭଳି ଅଭାବନୀୟ ଘଟଣା ଘଟିଛି ବାଲିଅନ୍ତା ଥାନା ରଥିଜେମା ଚାରୀମାଣିଆ ଗାଁରେ ।

ସୂଚନାଯୋଗ୍ୟ ଯେ, ଗାଁର ରାଜେନ୍ଦ୍ର ସାହୁ ଶୁକ୍ରବାର ରାତି ପ୍ରାୟ ଗୋଟାଏରେ ନିଜ ବୁଲେଟ୍ କୁ ଘର ସାମ୍ନାରେ ରଖି ଶୋଇବାକୁ ଯାଇଥିଲେ । କିଛି ସମୟ ପରେ ବାଇକ୍ ଟି ହଠାତ୍ ଜଳି ଉଠିଥିଲା । ସଙ୍ଗେ ସଙ୍ଗେ ବାଲିଅନ୍ତା ଅଗ୍ନିଶମ ବାହିନୀ ଏବଂ ପୋଲିସକୁ ଖବର ଦେଇଥିଲେ ଲୋକେ । ଖବର ପାଇ ଅଗ୍ନିଶମ ବାହିନୀ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ ।

ତେବେ ପୂର୍ବ ଶତ୍ରୁତାରୁ କେହି ଦୁର୍ବୃତ୍ତ ବାଇକ୍ ରେ ନିଆଁ ଲଗାଇ ଦେଇଥିବା ଅନୁମାନ କରାଯାଉଛି । ଘଟଣାର ତଦନ୍ତ ଜାରି ରଖିଛି ପୋଲିସ ।

from Prameya News7 https://ift.tt/3pvP90A