ଯୁବକଙ୍କୁ ଗଳାକାଟି ଜଙ୍ଗଲରେ ଫିଙ୍ଗିଦେବା ଘଟଣା, ୧୨ ଗିରଫ

ସମ୍ବଲପୁର ୧୯।୧୦: ସମ୍ବଲପୁରରେ ଯୁବକଙ୍କୁ ଗଳାକାଟି ଜଙ୍ଗଲରେ ଫିଙ୍ଗିଦେବା ଘଟଣାରେ ୧୨ ଗିରଫ । ହତ୍ୟା ଅଭିଯୋଗରେ ଜୁଜୁମୁରା ପୋଲିସ ୧୨ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ଖବର ଅନୁଯାୟୀ, ସମ୍ବଲପୁର ଜୁଜୁମୁରା ଥାନା ବାନ୍ଦେର ସଂରକ୍ଷିତ ଜଙ୍ଗଲର କବାଟ ଦୁଆର ଅଞ୍ଚଳରୁ ଶୁକ୍ରବାର ଧଧୋଲୋମୁଣ୍ଡା ଗାଁର ନିଳାମ୍ଵର ବନଛୋରଙ୍କ ଗଳାକଟା ମୃତଦେହ ଉଦ୍ଧାର ହୋଇଥିଲା । ଜଙ୍ଗଲରେ ଜୀବଜନ୍ତୁଙ୍କ ଶୀକାର ପାଇ ବେଆଇନ ଭାବେ ସ୍ଥାନୀୟ ଅଂଚଳର ଶିକାରୀ ବିଦ୍ୟୁତ ତାର ବିଛାଇଥିଲେ । ଏହି ତାର ସଂସ୍ପର୍ଶରେ ଆସି ନିଳାମ୍ବରଙ୍କ ଜୀବନ ଚାଲିଯାଇଥିଲା । 

ମୃତଦେହ ଲୁଚାଇବାକୁ ଯାଇ ଧାରୁଆ ଅସ୍ତ୍ରରେ ତାଙ୍କ ଗଳାକାଟି ଜଙ୍ଗଲରେ ଫିଙ୍ଗି ଦିଆଯାଇଥିବା ଅଭିଯୋଗ ହୋଇଥିଲା । ଏହି ଘଟଣା ନେଇ ଜୁଜୁମୁରା ପୋଲିସ ଶୁକ୍ରବାର ଠାରୁ ତଦନ୍ତ ଆରମ୍ଭ କରିଥିଲା । ତେବେ ଏଥିରେ ସମ୍ପୃକ୍ତ ଥିବାରୁ ବ୍ରାହ୍ମଣୀପାଲି ଗାଁର ୧୨ ଜଣଙ୍କୁ ପୋଲିସ ଗିରଫ କରିଥିବା ବେଳେ ଜଣେ ଫେରାର ରହିଥିବା ଜଣାପଡିଛି । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।

from Prameya News7 https://ift.tt/31jdj5b