ଭୁବନେଶ୍ୱର: ସମାଜସେବୀ ମାନବପ୍ରେମୀ ଆଦିତ୍ୟ ଦାଶ ମୃତ୍ୟୁ ମାମଲାରେ ଚର୍ଚ୍ଚାକୁ ଆସିଥିବା ଯୁବତୀ ଚିନ୍ମୟୀ ମହାପାତ୍ର ଏକ ନୂଆ ଖୁଲାସା କରିଛନ୍ତି।
ଚିନ୍ମୟୀ କହିଛନ୍ତି, ଆଦିତ୍ୟ ଓ ତାଙ୍କ ଭିତରେ ପ୍ରେମ ସଂପର୍କ ଥିଲା। ୨୦୧୯ ଡିସେମ୍ବର ଯାଏ ଆଦିତ୍ୟ ତାଙ୍କୁ ବିବାହ କରିବା ଲାଗି ରାଜି ହୋଇଥିଲେ। ହେଲେ ୨୦୨୦ ଜାନୁଆରୀରୁ ଆଦିତ୍ୟ ତାଙ୍କଠାରୁ ଦୂରେଇବାକୁ ଆରମ୍ଭ କରିଥିଲେ।
ସେ ଆହୁରି କହିଛନ୍ତି, ପ୍ରଥମେ ଫେସବୁକ୍ରୁ ସେମାନଙ୍କର ବନ୍ଧୁତା ଓ ପରେ ଭଲ ପାଇବା ଆରମ୍ଭ ହୋଇଥିଲା। ଆଦିତ୍ୟଙ୍କ ଆଶ୍ରମକୁ ସେ ଏକାଧିକ ଥର ଯାଇଛନ୍ତି। ତେବେ ବିବାହ ପରଠୁ ଆଦିତ୍ୟଙ୍କ ସହ ସେ କୌଣସି ସମ୍ପର୍କ ରଖି ନ ଥିଲେ।
ଆଦିତ୍ୟଙ୍କ ମୃତ୍ୟୁ ପାଇଁ ତାଙ୍କ ପରିବାର ଲୋକ ଚିନ୍ମୟୀଙ୍କୁ ଦୋଷ ଦେଉଥିବାବେଳେ ସେ କିନ୍ତୁ ଏହାକୁ ଖଣ୍ଡନ କରିବା ସହ ତଦନ୍ତ ହେଲେ ସତ୍ୟାସତ୍ୟ ପଦାକୁ ଆସିିବ ବୋଲି ଚିନ୍ମୟୀ କହିଛନ୍ତି। ସେ ଆହୁରି କହିଛନ୍ତି ଯେ, ଆତ୍ମହତ୍ୟାକୁ ବିରୋଧ କରୁଥିବା ଓ ଆତ୍ମହତ୍ୟା ନ କରିବାକୁ ଅନ୍ୟକୁ ବୁଝାଉଥିବା ଆଦିତ୍ୟ କେବେବି ଆତ୍ମହତ୍ୟା କରି ନ ଥାଇପାରନ୍ତି ବୋଲି ଚିନ୍ମୟୀ କହିଛନ୍ତି।
The post Aditya Das Death Mystery: ଚର୍ଚ୍ଚାକୁ ଆସିଥିବା ଯୁବତୀ କଲେ ନୂଆ ଖୁଲାସା appeared first on OTV Khabar..
from OTV Khabar. https://ift.tt/3i1o8yV
No comments: