ଭୁବନେଶ୍ୱର ୩୧/୭: ବହୁ ପ୍ରତୀକ୍ଷିତ ହିନ୍ଦୀ ଫିଲ୍ମ ‘ଥ୍ରୀଲର୍’ର ଟ୍ରେଲର୍ ରିଲିଜ୍ ହୋଇଛି । ରାମଗୋପାଳ ବର୍ମାଙ୍କ ଏହି କ୍ରାଇମ୍ ସସ୍ପେନ୍ସରେ ଡେବ୍ୟୁ କରିଛନ୍ତି ଦୁଇ ଓଡ଼ିଆ । ଯାହାଙ୍କୁ ନେଇ ଇଣ୍ଡଷ୍ଟ୍ରିରେ ବହୁତ ଚର୍ଚ୍ଚା । ଫିଲ୍ମ ଏବଂ ରାମଗୋପାଳ ବର୍ମାଙ୍କୁ ଛାଡ଼ି ଏହି ଦୁଇ କଳାକାରଙ୍କୁ ନେଇ ଏବେ ସବୁଠି ଆଲୋଚନା । ହ୍ୟାଣ୍ଡ୍ସମ୍ ନାୟକ ରକ୍ କାଚ୍ଚି ଓ ବୋଲ୍ଡ ଅପସରା ରାଣୀଙ୍କୁ ଏହି ଫିଲ୍ମରେ ଦେଖିବାକୁ ମିଳିବ ।ଗୁରୁବାର ରିଲିଜ୍ ହୋଇଥିବା ୨ ମିନିଟ୍ ୩୬ସେକେଣ୍ଡ୍ର ଟ୍ରେଲର୍ରେ ଜବରଦସ୍ତ ଶୈଳୀରେ ଉଭୟ ନଜର ଆସିଛନ୍ତି । ପ୍ରଥମ ଥର କୌଣସି ହିନ୍ଦୀ ଫିଲ୍ମରେ ଦୁଇ ଓଡ଼ିଆ ନାୟକ-ନାୟିକା ନଜର ଆସିବେ । ସେଥିପାଇଁ ସିନେମାକୁ ଦେଖିବାକୁ ସମସ୍ତଙ୍କ ଉତ୍କଣ୍ଠା ରହିଛି ।
ଟ୍ରେଲର୍ରେ ରକ୍-ଅପସରାଙ୍କ ବ୍ୟତୀତ ଜଣେ ବ୍ୟକ୍ତିଙ୍କର ଛାଇ ଦେଖିବାକୁ ମିଳିଛି । ଟ୍ରେଲର୍ଟି ସ୍ୱଳ୍ପ ସମୟ ପାଇଁ ହେଲେ ବି ନଜର ଟାଣି ରଖୁଛି । କିନ୍ତୁ ଫିଲ୍ମଟି କେବେ ରିଲିଜ୍ ହେବ ସେ ସମ୍ପର୍କରେ କୌଣସି ସୂଚନା ଦିଆଯାଇନି । ରାମଗୋପାଳଙ୍କ ଟ୍ୱିଟର୍ ଏବଂ ୟୁଟ୍ୟୁବ୍ରେ ଫିଲ୍ମର ଟ୍ରେଲର୍ ପୋଷ୍ଟ ହୋଇଛି । ଏହାକୁ ରକ୍-ଅପସରାଙ୍କୁ ଟ୍ୟାଗ୍ କରାଯାଇଛି । ଟ୍ରେଲର୍କୁ ନେଇ ଦର୍ଶକ ଏତେ ମତାମତ ଦେଇଛନ୍ତି, ଯାହାକୁ ଦେଖି ଅପସରା ଆଶ୍ଚର୍ଯ୍ୟ ହୋଇଯାଇଛନ୍ତି।
from Prameya News7 https://ift.tt/3hT30e2
No comments: