ଚିକିତ୍ସାଧିନ ଅବସ୍ଥାରେ ଜଣେ ମୃତ, ୪ ଗୁରୁତର : ସାନ ପୁଅର ମୃତ୍ୟୁ ପରେ ଫିନାଇଲ୍ ପିଇ ଆତ୍ମହତ୍ୟା ଉଦ୍ୟମ କରିଥିଲେ

ଝାରସୁଗୁଡା ୩।୬: ଝାରସୁଗୁଡାରେ ଗୋଟିଏ ପରିବାରର ୫ ଜଣ ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରିଥିବା ବେଳେ ବୁଧବାର ସକାଳୁ ବଡ ଭାଇର ମୃତ୍ୟୁ ହୋଇଛି । ମୃତକ ଜଣଙ୍କ ହେଉଛନ୍ତି ଶ୍ରୀକାନ୍ତ ବିଶ୍ବାଳ ।

ସୂଚନାଯୋଗ୍ୟ ଯେ, ଗତ ସୋମବାର ବିଳମ୍ବିତ ରାତିରେ ଦୀର୍ଘ ୨ ବର୍ଷ କୋମାରେ ରହି ସାନଭାଇ ଦୀପକ ବିଶ୍ବାଳଙ୍କ ମୃତ୍ୟୁ ହୋଇଥିଲା । ତାହାକୁ ସହି ନପାରି ମା’, ୩ ଭଉଣୀ ଓ ବଡ ଭାଇ ଆତ୍ମହତ୍ୟା ଉଦ୍ୟମ କରିଥିଲେ । ପୋଲିସ ସମସ୍ତଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲା । ସେମାନଙ୍କ ମଧ୍ୟରୁ ଜଣେ ଭଉଣୀ ଲିଲିଙ୍କ ସ୍ବାସ୍ଥ୍ୟାବସ୍ଥା ଖରାପ ହେବାରୁ ମଙ୍ଗଳବାର ସକାଳୁ ବୁର୍ଲା ମେଡିକାଲ ପଠାଇ ଦିଆଯାଇଥିଲା । କିନ୍ତୁ ଅନ୍ୟମାନଙ୍କ ଅବସ୍ଥା ସ୍ଥିର ରହିଥିଲା ।

ମଙ୍ଗଳବାର ରାତିରେ ହଠାତ୍ ବଡଭାଇ ଶ୍ରୀକାନ୍ତଙ୍କ ଅବସ୍ଥା ଅଧିକ ବିଗିଡିଯିବାରୁ ତାଙ୍କୁ ବୁର୍ଲା ମେଡିକାଲ ପଠାଇ ଦିଆଯାଇଥିଲା । ବୁଧବାର ସକାଳୁ ଶ୍ରୀକାନ୍ତଙ୍କର ବୁର୍ଲାମେଡିକାଲରେ ମୃତ୍ୟୁ ହୋଇଥିଲା । ମଙ୍ଗଳବାରଠାରୁ ଦୀପକଙ୍କ ଶବ ସତ୍କାର କରାଯାଇ ପାରିନଥିବା ବେଳେ ଆଜି ଆଉ ଜଣେ ଭାଇଙ୍କର ମୃତ୍ୟୁ ଘଟଣା ସମସ୍ତଙ୍କୁ ସ୍ତବ୍ଧ କରି ଦେଇଛି ।

from Prameya News7 https://ift.tt/2zMBE95