ସାରା ରାଜ୍ୟରେ ଶୀତଲହରୀ । ୧୦ ଡିଗ୍ରୀ ତଳକୁ ଖସିଲା ଦାରିଙ୍ଗବାଡିର ତାପମାତ୍ରା Kanak News

କନକ ବ୍ୟୁରୋ : ଶୀତରେ ଥରୁଛି କନ୍ଧମାଳ । ବିଶେଷ କରି ଦାରିଙ୍ଗବାଡ଼ି ଏବଂ ଫୁଲବାଣୀରେ ପାରଦ ୧୦ ଡିଗ୍ରୀ ତଳକୁ ଖସି ଆସିବା ପରେ ପ୍ରବଳ ଶୀତ ଅନୁଭୂତ ହେଉଛି । ଦିନ ୧୦ଟା ଯାଏଁ ଘନ କୁହୁଡ଼ିର ଆସ୍ତରଣ ଦେଖିବାକୁ ମିଳୁଛି । ଫଳରେ ଗାଡ଼ିମଟର ଯିବା ଆସିବା କରିବାରେ ବେଶ ସମସ୍ୟା ହେଉଛି ।

ତେବେ କନ୍ଧମାଳର ଶୀତୁଆ ପରିବେଶକୁ ନେଇ ବେଶ ଆନନ୍ଦିତ ସ୍ଥାନୀୟ ବାସିନ୍ଦା । ସକାଳୁ ସକାଳୁ ଲୋକ ମର୍ଣ୍ଣିଂ ୱାକରେ ବାହାରିବା ସହ ଗରମ ଚା’ର ମଜା ନେଉଥିବା ଦେଖିବାକୁ ମିଳୁଛି । ସେହିପରି ଦାରିଙ୍ଗବାଡ଼ି, ବଲଘର, ଫୁଲବାଣୀ ଅଂଚଳରେ ଲୋକମାନେ ଶୀତ ଦାଉରୁ ରକ୍ଷା ପାଇବା ପାଇଁ ନିଆଁ ପୋଇଁବାର ଦୃଶ୍ୟ ମଧ୍ୟ ଦେଖିବାକୁ ମିଳୁଛି ।

from Kanak News https://ift.tt/2sScwtK https://ift.tt/2PkBnxA