ବାପା ମଦପିଇ ପୁଅକୁ ନେଇ ଫେରୁଥିବା ବେଳେ ଅଘଟଣ । ବ୍ରିଜ ଉପରୁ ଖସି ପଡି ପୁଅ ନିଖୋଜ, ବେଆଇନ ମଦ ଦୋକାନକୁ ନିଆଁ ଲଗାଇ ଜାଳି ଦେଲେ ଉତ୍ୟକ୍ତ ଲୋକେ Kanak News

କନକ ବ୍ୟୁରୋ : ମଦପିଇ ୫ ବର୍ଷର ପୁଅକୁ ସାଙ୍ଗରେ ନେଇ ଫେରୁଥିବା ବେଳେ ପୁଅ ବ୍ରିଜ୍ ଉପରୁ ଖସି ପଡ଼ି ନିଖୋଜ ହୋଇଯାଇଛି । ଘଟଣା ପରେ ଉତ୍ୟକ୍ତ ଲୋକେ ବେଆଇନ ମଦ ଦୋକାନକୁ ନିଆଁ ଲଗାଇ ଜାଳି ଦେଇଛନ୍ତି । ଏହି ଘଟଣା ଘଟିଛି, ବାଲେଶ୍ୱର ସୋର ଥାନା ଅନ୍ତର୍ଗତ ଅଗିରା ଗାଁରେ । ଅଇରୀ ମୁଣ୍ଡା ନାମକ ଜଣେ ବ୍ୟକ୍ତି, ତାଙ୍କ ୫ ବର୍ଷ ପୁଅକୁ ସାଙ୍ଗରେ ନେଇ ବାଣ କିଣିବାକୁ ଯାଇଥିଲେ । ବାଣ କିଣିବା ପରେ ଦେଶୀ ମଦ ଦୋକାନରୁ ମଦ ପିଇ ଘରକୁ ଫେରୁଥିବା ବେଳେ ରାସ୍ତାରେ ଏକ ବ୍ରିଜ୍ ଉପରୁ ଭାରସାମ୍ୟ ହରାଇ ଉଭୟ ବାପ-ପୁଅ ତଳକୁ ଖସି ପଡ଼ିଥିଲେ ।

ତେବେ ଅଇରୀଙ୍କୁ ଗ୍ରାମବାସୀ ଉଦ୍ଧାର କରିଥିବା ବେଳେ ଛୋଟ ପିଲାର ପତା ମିଳିନଥିଲା । ଘଟଣା ସ୍ଥଳରେ ସୋର ଦମକଳ ବାହିନୀ ଉଦ୍ଧାର କାର୍ଯ୍ୟ ଚଳାଇଥିଲେ ବି ନିଖୋଜ ଶିଶୁ ମିଳିନଥିବା ସୂଚନା ମିଳିଛି । ଏହି ଘଟଣା ଘଟିବା ପରେ ଗ୍ରାମବାସୀଙ୍କ ମଧ୍ୟରେ ଉତେଜନା ପ୍ରକାଶ ପାଇଥିଲା । ମଦ ଦୋକାନକୁ ନିଆଁ ଲଗାଇ ଦେଇଥିଲେ ଗ୍ରାମବାସୀ ।

from Kanak News https://ift.tt/2Nb7SNC https://ift.tt/2Wl5xEk