ଭୁବନେଶ୍ୱର: ରାଜଧାନୀରେ ପୁଣି ଏନ୍କାଉଣ୍ଟର। କଳିଙ୍ଗନଗର କେ-୭ ଅଞ୍ଚଳରେ ଆଜି ଭୋର ସମୟରେ ଏହି ଏନ୍କାଉଣ୍ଟର ହୋଇଛି। ଏଥିରେ ଦୁର୍ଦ୍ଦାନ୍ତ ଅପରାଧୀ ସୁଶାନ୍ତ ମାଝୀ ଗୁରୁତର ଆହତ ହୋଇଛି। ତା’ର ବାମ ଗୋଡ଼ର ଆଣ୍ଠୁ ତଳକୁ ଗୁଳି ବାଜିଛି।
ସୂଚନା ଅନୁସାରେ, ଡକାୟତି ପାଇଁ ସୁଶାନ୍ତ ନୟାଗଡ଼ରୁ ଭୁବନେଶ୍ୱର ଆସିଥିଲା। ତେବେ କୌଣସି ସୁତ୍ରରୁ ଖବର ପାଇ କଳିଙ୍ଗନଗର କେ-୭ ଅଞ୍ଚଳରେ ପୁଲିସ୍ ତାକୁ କାବୁ କରିବା ପାଇଁ ଉଦ୍ୟମ କରିଥିଲା। ହେଲେ ଏହି ସମୟରେ ସୁଶାନ୍ତ ପୁଲିସ୍ ଦେଖି ଗୁଳି ଚଳାଇଥିଲା। ଯାହାର ଜବାବରେ ପୁଲିସ୍ ଏନ୍କାଉଣ୍ଟର କରିଥିଲା। ଗୁରୁତର ଅବସ୍ଥାରେ ସୁଶାନ୍ତକୁ ପ୍ରଥମେ କ୍ୟାପିଟାଲ୍ ହସ୍ପିଟାଲ୍ ଓ ପରେ କଟକ ବଡ ମେଡିକାଲ୍କୁ ସ୍ଥାନାନ୍ତର କରାଯାଇଛି।
ସୁଶାନ୍ତ ନିକଟରୁ ପୁଲିସ୍ ଗୋଟିଏ ୯ଏମ୍ଏମ୍ ପିସ୍ତଲ ଓ ୫ ରାଉଣ୍ଡ ଅଫୁଟା ଗୁଳି ଜବତ କରିଛି। ସୁଶାନ୍ତର ଘର ନୟାଗଡ଼ ହାଟବସ୍ତା ଅଞ୍ଚଳରେ ବୋଲି ଜଣାପଡ଼ିଛି। ତା’ ନାଁରେ ଏକାଧିକ ଡକାୟତି ସହ ହତ୍ୟା ଉଦ୍ୟମ ଭଳି ମାମଲା ରହିଛି। ଟାଙ୍ଗୀରୁ ୬୦ଲକ୍ଷ ଟଙ୍କା ଲୁଟ୍ ଘଟଣାରେ ମଧ୍ୟ ସେ ସଂପୃକ୍ତ ଥିବା ପୁଲିସ୍ ସୂଚନା ଦେଇଛି।
୨୦୧୯ରେ କମିଶନରେଟ୍ ପୁଲିସ୍ର ଏହା ହେଉଛି ଷଷ୍ଠ ଏନ୍କାଉଣ୍ଟର। ଏହା ପୂର୍ବରୁ ପୁଲିସ୍ ୫ଟି ଏନ୍କାଉଣ୍ଟର କରିଥିଲା।
from OTV Khabar. https://ift.tt/2Usjyio
No comments: