ପରିତ୍ୟକ୍ତ ଘରୁ ଅଚେତ ଅବସ୍ଥାରେ ମହିଳା ଉଦ୍ଧାର, ମେଡିକାଲରେ ଭର୍ତ୍ତି

ଜଗତସିଂହପୁର ୧୯।୯: ଜଗତସିଂହପୁର ବିଲୁଆଖାଇ ନଦୀ ପଠାରୁ ନର୍ସ ନିହାରିକାଙ୍କ ମୃତଦେହ ମିଳିବା ଘଟଣା ଲୋକଙ୍କ ମନରେ ନାନା କଳ୍ପନା ଜଳ୍ପନା ସୃଷ୍ଟି କରିଥିବା ବେଳେ ପୁଣି ପରିତ୍ୟକ୍ତ ଘରୁ ଅଚେତ ଅବସ୍ଥାରେ ଜଣେ ମହିଳାଙ୍କୁ ଉଦ୍ଧାର କରାଯାଇଛି ।

ସୂଚନାଯୋଗ୍ୟ ଯେ, କଟକ-ପାରାଦୀପ ରାସ୍ତାର ସୋମପୁର ଛକ ନିକଟ ଏକ ପରିତ୍ୟକ୍ତ ଘରୁ ମହିଳା ଜଣଙ୍କୁ ଉଦ୍ଧାର କରାଯାଇଛି । ଉଦ୍ଧାର କରିବା ପରେ ମହିଳାଙ୍କୁ ରଘୁନାଥପୁର ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି ସ୍ଥାନୀୟ ଲୋକେ । ମହିଳା ଜଣଙ୍କ ହେଲେ ପାରାଦୀପର ରୋଜାଲିନ୍ ବାରିକ । ତେବେ କିପରି ଓ କେଉଁ ପରିସ୍ଥିତିରେ ମହିଳା ଜଣଙ୍କ ଏଠାରେ ପହଞ୍ଚିଲେ ତାହା ସ୍ପଷ୍ଟ ହୋଇନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ୍ ଚଳାଇଛି ।

from Prameya News7 https://ift.tt/2LYulgt